Një arritje tjetër e jashtëzakonshme është rrokur nga mundësi shqiptar Zelimkhan Abakarov, gjatë kampionatit botëror të mundjes, i cili po zhvillohet në Beograd të Serbisë, ku ka marrë vendin e tretë, duke fituar kështu medaljen e bronzit.
Ky sukses i radhës vjen ekzaktësisht një vit pasi ai mori medaljen e artë në botërorin e zhvilluar po në Beograd, ku tashmë mundësi me origjinë çeçene, por i cili garon për Shqipërinë, është bërë një emër i përhershëm në rangjet e larta të sportit elitar.
Ai në fakt është kthyer në të parin sportist të këtij niveli, që e çon Shqipërinë në maja të tilla të larta.
Teksa, mundësi po punon edhe për mbledhjen e pikëve të nevojshme për të qenë pjesë e Lojërave Olimpike 2024, të cilat do të zhvillohen në Paris.
Me një ruajtje të formës dhe nivel të lartë të mundjes, ai mund të arrijë edhe t’i japë vendit të shqiponjave të parën medalje olimpike në histori.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Shtëpia e Bardhë e shqetësuar me dislokimin e trupave serbe pranë kufirit: Të gatshëm t’ia sigurojmë burimet KFOR-it
-
Leja për betimin e Belerit përfundon në Gjykatën e Durrësit
-
The Times: Trupat britanike në gatishmëri për të ulur tensionet në mes të Kosovës dhe Serbisë
-
Shtetet e Bashkuara i treguan “kufijtë” Serbisë, përmes të gjitha rrugëve diplomatike
