Lista Serbe kërkon nga SHBA-të një përfshirje më të madhe në mbrojtjen e të drejtave të serbëve
Disa nga zyrtarë e Listës Serbe, të premten, kanë takuar ambasadorin e Shteteve të Bashkuara të Amerikës në Kosovë, Jeffrey Hovenier, ku nga ky i fundit kanë kërkuar që SHBA-të “të përfshihen edhe më shumë në mbrojtjen e të drejtave të serbëve”.
Nëpërmjet një komunikate për media, Lista Serbe, ka njoftuar se gjatë takimit është diskutuar për pozitën dhe problemet e popullit serb në Kosovë.
“Përfaqësuesit e Listës Serbe theksuan pozitën jashtëzakonisht të vështirë të popullit serb dhe theksuan se si lëvizjet e njëanshme të ‘regjimit’ në Prishtinë i zmbrapsën marrëdhëniet ndëretnike dhe e vendosën popullin serb në pozitën më të vështirë që nga viti 1999”, thuhet në komunikatën për media.
Ndër të tjera gjatë takimit Lista Serbe ka kërkuar që SHBA-të “të përfshihen edhe më shumë për të mbrojtur të drejtat e popullit serb, për të parandaluar lëvizjet e njëanshme dhe për të respektuar marrëveshjet e nënshkruara që garantojnë të drejtat e popullit serb”.
Të njëjtën kërkesë ndaj SHBA-ve parashtroi edhe presidenti i Serbisë, Aleksandar Vuçiç, në një takim me komandantin e Gardës Kombëtare të Ohajos, gjeneralmajor John Harris.
Vuçiç, siç njoftoi vetë ai nëpërmjet një postimi në platformën sociale Facebook, kërkoi nga Harris një mbështetje më të fuqishme të SHBA-ve për mbrojtjen e serbëve dhe sigurimin e të drejtave të tyre në Kosovë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rritja ekonomike e qëndrueshme e Kosovës po vazhdon, thotë Kurti
-
Deklaratat për “sulm nga Serbia” përpjekje për të fituar simpatinë ndërkombëtare, thotë Prelec
-
Kosova aderon në Konventën e Stambollit në Organizatën Botërore të Doganave
-
Krasniqi: Drafti aktual i Asociacionit i papranueshëm, do e sjellim një të ri
Lajmet kryesore
-
“Shteti Sovran i Urdhrit Bektashi”, Rama për NYT: Një shtet i ri mysliman brenda Tiranës
-
Stërvitja “Corridor VIII Response” thekson rëndësinë strategjike të Shqipërisë në NATO, thotë Vëngu
-
SHBA-të mund të dërgojnë raketa me rreze të mesme veprimi në Ukrainë
-
Rritja ekonomike e qëndrueshme e Kosovës po vazhdon, thotë Kurti