Ministri i Financave, Punës dhe Transfereve, Hekuran Murati, ka vlerësuar se ekonomia e Kosovës është duke shënuar rritje edhe në tre mujorin e dytë të këtij viti.
Ai përmes një shkrimi në rrjetin social ‘Facebook’, ka thënë se ekonomia ka shënuar rritje për 4 për qind.
“Pas rritjes së theksuar në tremujorin e parë me 5.62%, ekonomia e vendit ka vazhduar rritjen edhe në tremujorin e dytë të këtij viti me 4.27% në terma realë sipas ASK-së, duke performuar dukshëm mbi projeksionet për rritje prej 3.8%-3.9%”, ka shkruar ai.
Sipas tij, rritje po shënojnë edhe bizneset.
“Pas ngadalësimit dhe uljes së inflacionit tani në nivelin prej nën 2%, aq sa është edhe synimi i Bankës Qendrore Evropiane, bizneset dhe ekonomia e vendit po kthehen në trajektoren e rritjes më të shpejtë, aty ku edhe nisëm pas pandemisë”.
Teksa, vlerësoi politikat që janë vendosur në qeverisjen Kurti.
“Ky është sinjal që politikat e qeverisë sonë për mbështetje të bujqve, për mbështetje të bizneseve prodhuese, dhe masave mbështetëse të punësimit po funksionojnë”.
Për dy herë radhazi gjatë muajit mars, ministri i Financave, Punës dhe Transfereve, Hekuran Murati, kishte deklaruar se në Kosovë janë hapur më shumë biznese të reja sesa që janë mbyllur duke thënë se “po e demanton propagandën”, e cila sipas tij po bëhet nga opozita.
Por, që nga njohësit e çështjeve ekonomike këto deklarata janë “jo profesionale” dhe “jo të qëndrueshme” në raport me realitetin.
Në programin katërvjeçar të Qeverisë aktuale të Kosovës qëndron zotimi për orientimin e ekonomisë kah prodhimi dhe eksporti.
Ministri Murati, gjatë gjithë kohës është arsyetuar me hapjen e bizneseve të reja, por që nga opozita është kritikuar për mbyllje të tyre për shkak të papunësisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Kurti do të marr pjesë në Forumin e Sigurisë në Varshavë