Endrick thyen rekordin 29-vjeçar të Real Madrid-it në Champions League

Super talenti i Real Madrid-it, Endrick, e ka treguar veten në futbollin evropian me një gol mahnitës në debutimin e tij në Champions League, dhe ka thyer një rekord klubi në këtë proces.

18-vjeçari iu bashkua zyrtarisht Real-it në korrik, pasi ra dakord të nënshkruante për ta në dhjetor të vitit 2022.

Ai shënoi në debutimin e tij në La Liga në gusht pasi doli nga pankina për një ndeshje pesëminutëshe kundër Real Valladolid.

Ndeshja e së martës mbrëma kundër Stuttgart-it përfaqësoi debutimin e tij në Champions League dhe ai u sigurua që të lërë gjurmën e tij.

Pas Kylian Mbappe, i cili gjithashtu shënoi golin e tij të parë evropian për “Los Blancos”, dhe Antonio Rudiger bëri rezultatin 2-1 për Real-in, Endrick shtoi një të tretë në minutën e pestë shtesë të pjesës së dytë.

Endrick’s first goal in UCL vs Lamine Yamal’s first goal in UCL pic.twitter.com/VjVmu8KUY6

— Bedri (@BedriRMCF) September 17, 2024

Në shënimin e golit, Endrick është bërë golashënuesi më i ri i Real-it në Champions League me 18 vjeç, një muaj e 27 ditë.

Rekordi më parë mbahej nga Raul, i cili hapi llogarinë e tij evropiane në moshën 18 vjeç, tre muaj e 21 ditë.

Braziliani, i cili shënoi në një miqësore ndërkombëtare kundër Anglisë në mars, ka fituar tashmë vlerësime të larta nga bashkëlojtarët e tij.

Portieri i Real-it, Thibaut Courtois e krahasoi Endrick me ish-shokun e tij të skuadrës te Chelsea dhe ish-sulmuesin e Real-it, Eden Hazard.

Ai shpjegoi: “Nuk është shumë i gjatë, por është shumë i fortë. Ai është pak si Eden kur e takova te Chelsea, ai gjithashtu kishte këmbë të forta”.

“Mund ta shkelmoni dhe ai do të qëndrojë ende në këmbë. Dhe ai ka shumë forcë në goditje. Në stërvitje, e kam parë të gjuante fort”, vijoi portieri belg.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.