Veprimet e papritura dhe të pakoordinuara në Veri mund të rrisin rrezikun e dhunës, thotë zyrtari i lartë i NATO-s
Ndihmës-Sekretari i Përgjithshëm i NATO-s për operacione, Thomas Goffus, i cili po qëndron në Kosovë, nëpërmjet një video-mesazhi, të enjten, ka potencuar se “veprimet e papritura” dhe “të pakoordinuara”, posaçërisht në Veri të Kosovës, mund të rrisin “rrezikun e dhunës”, e cila më pastaj “cenon sigurinë e të gjithë njerëzve në Kosovë, dhe rrezikon trupat e KFOR-it”.
Andaj në vlerësimin e tij gjithë në këtë mes është esenciale që Kosova dhe Serbia të përfshihen në mënyrë konstruktive në dialogun e lehtësuar nga Bashkimi Evropian, në atë mënyrë për “të zgjidhur çështjet e mbetura”.
“Ne vazhdojmë t’u bëjmë thirrje të gjitha palëve, të implemtentojnë marrëveshjet e arritura pa vonesë”, ka thënë Goffus.
Duke potencuar rritjen e prezencës së NATO-s në Kosovë, pas sulmit terrorist të 24 shtatorit, Goffus, ka potencuar se shtimi i trupave ushtarake, “është i domosdoshëm momentalisht”, por nuk ofron një “zgjidhje për një paqe afatgjate në Kosovë”.
“Zgjidhja është politike”, shton ai.
Goffus vizitën e tij në Kosovë e nisi me një takim me shefin e Misionit të NATO-s në Kosovë, KFOR-it, Ozkan Ulutas.
Ai më pas e takoi presidenten e Kosovës, Vjosa Osmanin e kryeministrin e Kosovës, Albin Kurtin.
Në takimin Osmani – Goffus ndër temat e diskutuara ishte edhe hapja e urës kryesore mbi lumin Ibër për qarkullimin e automjeteve.
Osmani, siç thuhej në një komunikatë për media, gjatë takimit ka përsëritur qëndrimin e saj për hapjen e urës së Ibrit zyrtarit të lartë të NATO-s, porse ka potencuar rëndësinë e “mirëmbajtjes së komunikimit, koordinimit dhe thellimit të bashkëpunimit në mes të institucioneve tona dhe partnerëve tanë të sigurisë, veçanërisht me NATO-n, për hartimin e një plani të përbashkët të zbatimit për hapjen e urës”.
“Kosova mbetet e përkushtuar për bashkëpunim të vazhdueshëm me NATO-n dhe KFOR-in për adresimin e sfidave në fushën e sigurisë”, ka thënë Osmani gjatë takimit, citohet në komunikatë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sinani thirrje për mobilizim: Të bashkohemi kundër diskriminimit dhe padrejtësive
-
Abdixhiku: Kurti i mbron njerëzit e korruptuar, Qeveria e tij përplot me korrupsion
-
Serwer për Albanian Post: Dialogu mund të vazhdojë vetëm për çështje teknike, jo edhe për ato politike
-
Tahiri: 9 shkurti do jetë votë ndëshkuese ndaj qeverisjes më të dobët në histori të vendit
Lajmet kryesore
-
Baba Mondi sqaron idenë e “Shtetit Bektashi”: Krejtësisht shpirtëror, për paqe e tolerancë
-
Vengu takon diplomatët e huaj për rijetëzimin e Industrisë Ushtarake
-
Trump refuzon thirrjen e Harris për debat të dytë, thotë se “është tepër vonë”
-
Abdixhiku: Kurti i mbron njerëzit e korruptuar, Qeveria e tij përplot me korrupsion