Të martën është përuruar renovimi në Klinikën Emergjente në Qendrën Klinike Universitare të Kosovës (QKUK), investim ky që është i përbashkët ndërmjet Ministrisë së Shëndetësisë dhe Shërbimit Spitalor dhe Klinik Universitar të Kosovës (ShSKUK), kostoja e të cilit është afër 800 mijë euro.
Sipas kryeministrit të Kosovës, Albin Kurti, me përurimin e kësaj klinike kushtet për mjekët do të jenë më të lehtë.
“Më herët, përveç pacientëve, mjekët janë përballur edhe me kushtet e punës dhe vështirësitë e mëdha. Tani kushtet e punës i kanë në anën e tyre. Në sallën e operimit, tani ekzistojnë edhe kamerat, që domethënë operimi mund te përcillet edhe nga jashtë ne kohë reale”.
“Rreth 800 mijë euro është investimi për këtë rinovim”, ka deklaruar Kurti para gazetarëve.
Ndërsa, ministri i Shëndetësisë, Arben Vitia, deklaroi se këto investime po bëhen në kuadër të punës që po bëjnë në institucionet shëndetësore.
“Edhe këto investime edhe proceset që jemi duke i kaluar edhe në investimet në spitalet regjionale, edhe me zgjedhjen e mjekut familjar që tash po bëhet në mjekësinë primare edhe me ngritjen e buxhetit të barnave edhe në primare, sekondare dhe terciarë është në funksion edhe të sigurimeve shëndetësore”, tha Vitia.
Edhe më 20 maj, është përuruar rinovimi i Klinikës së Onkologjisë, e njëjta sipas deklaratave që janë dhënë nga krerët e shtetit tash i ka 60 shtretër nga 45 sa ishin para rinovimit.
Ndërsa në muajin qershor është përuruar edhe Klinika e Urologjisë dhe ajo e Kardiokirurgjisë.
Më 22 prill, ministri Vitia kishte deklaruar se edhe në Neurokirurgji dhe Kirurgji Vaskulare në sallat operative janë investuar rreth 3 milion euro.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Feudalizmi i Futbollit: 12 Klube që Flasin Me Zë, Por Pa Mend dhe pa menduar
-
Shqipëria do vijojë të luajë rol kyç në paqen e rajonit, thotë Begaj
-
Pagerët në sulmin vdekjeprurës ndaj Hezbollahut ‘prodhuar në Evropë’, ndërsa Lindja e Mesme përgatitet për hakmarrje
-
Kosova pranon ta bëjë urën mbi Ibër çështje të dialogut, e “zhvendos” në selinë e NATO-s