Sveçla për Enver Zymberin: U kthye në shembullin e motivin e qindra vajzave dhe djemve të Kosovës
Ministri i Punëve të Brendshme, Xhelal Sveçla, ka thënë se me shërbimin e tij, vullnetin e përkushtimin deri në sakrificë sublime, heroi Enver Zymberi e ka përjetësuar betimin e pjesëtarit të Policisë së Kosovës.
Përmes një postimi në rrjetin social, Facebook, Sveçla kujtoi Enver Zymberin në 13 vjetorin e rënies së tij.
“13 vjet nga rënia në krye të detyrës e pjesëtarit të Policisë së Kosovës, Heroit Enver Zybmeri. 13 vite më parë, gjatë një operacioni policor në veri të vendit, në fshatin Zubç të Zubin Potokut, nga një grup i armatosur kriminal i Serbisë, u vra pjesëtari i Policisë së Kosovës, Heroi Enver Zybmeri”, shkroi Sveçla.
Ministri Sveçla potencoi se Zymberi u kthye në shembull e motiv për të gjithë ata që i shërbejnë Kosovës.
“Ai u kthye në shembullin dhe motivin e qindra vajzave e djemve të Republikës sonë që edhe sot, 13 vite pas rënies së tij, shërbejnë në çdo cep të Republikës së Kosovës”, shtoi ai.
Kreu i MPB-së, duke përmendur se 26 korriku shënohet si Dita memoriale e policëve të rënë në kryerje të detyrës, pohoi se “listës së të rënëve, shokëve të tij të lavdisë, këtë vit i është shtuar Heroi Afrim Bunjaku, i vrarë në sulmin terrorist të Serbisë në Banjë më 24 shtator”.
Ai shprehi mirënjohjen për të gjithë ata që bartin me nder e krenari uniformën e Policisë së Kosovës.
“Sot dhe çdo ditë u jam mirënjohës djemve e vajzave tona që bartin me nder e krenari uniformën e Policisë së Kosovës dhe shërbejnë e mbrojnë Republikën tonë, duke realizuar kështu aspiratat e 23 pjesëtarëve të Policisë së Kosovës të rënë në kryerje të detyrë”, deklaroi Sveçla.
“Lavdi e përjetshme Heroit Enver Zybmeri! Lavdi e përjetshme 23 pjesëtarëve të Policisë së Kosovës të rënë në kryerje të detyrës”, përfundoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel