Gërvalla e quan “gënjeshtar” redaktorin që zbardhi detaje rreth skandalit në RTK: Artikullin ia çova unë, por s’i kam thënë bëje
Drejtori i Radio Televizionit të Kosovës (RTK), Rilind Gërvalla, në një përgjigje për “Kallxo” të enjten, ka pohuar se vegëzën e artikullit skandaloz të platformës boshnjake “Slobodna Bosna” e ka nisur vetë në adresën e redaktorit të lajmeve, por ka mohuar të këtë ushtruar presion për përkthimin dhe ripublikimin e së njëjtës në edicionin qendror të lajmeve në RTK.
“Drejtori ka përgjegjësitë e veta programore për çdo sekond që transmetohet. Linkun ia kam dhënë, pos asnjeherë s’i kam thënë bëje, as s’ka asnjë lloj presioni asnjëherë nga unë. Presioni ndaj redaktorëve është stisje dhe gënjeshtër. Ne nuk kemi debatuar. Lajmi i ‘Slobodna Bosna’ ka qenë publik. Mua më vjen keq që një i dënuar për shpifje vazhdoka të njejtën gjë”.
Përgjigja e Gërvallës vjen pas reagimit publik të redaktorit të lajmeve qendrore, Jeton Musliu, i cili, nëpërmjet një postimi në “Facebook” të enjten, përveç distancimit nga publikimi i artikullit kontravers të mediumit boshnjak në televizionin publik, ka treguar se nga kush ka ardhur presioni për transmetimin e artikullit se gjoja Serbia kontrollon dy media kosovare.
Vendimin redaktorial të RTK-së e kanë dënuar gazetarë të shumtë në Kosovë. Gjithashtu, disa gazetarë dhe redaktorë të RTK-së janë distancuar. Në artikullin skandaloz të “Slobodna Bosna” përmenden planet e supozuara të presidentit serb, Aleksandar Vuçiç, për të rritur ndikimin në Kosovë nëpërmjet kontrollit të dy mediave kosovare “Nacionale” dhe “Periskopi”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel