Teksa bombardimet vazhdojnë në Gaza – mbi 60 palestinezë vdiqën në bastisjet izraelite në Khan Younis dhe Al Mawasi – një histori e tmerrshme vjen nga Gaza.
Ajo u publikua nga media britanike BBC, e cila raportoi vdekjen e Muhammed Bhar.
Muhammedi ishte 24 vjeç dhe vuante nga sindroma Down.
“Ai nuk dinte të hante, të pinte apo të ndërronte rrobat. Unë jam ai që i kam ndërruar pelenat. Unë jam ai që e kam ushqyer. Ai nuk dinte të bënte asgjë vetë”, tha nëna e tij Nabila Bhar, 70 vjeçe për transmetuesin britanik.
Më 3 korrik, sipas rrëfimit të familjes, IDF bastisi shtëpinë e tyre në rrugën Nazaz në qytetin e Gazës.
Nabila tregon për disa dhjetëra ushtarë me një qen luftarak, kafshë të përdorura për të gjetur militantët e Hamasit dhe për të kontrolluar kurthe me armë zjarri dhe eksplozivë.
Pas disa orësh, nuk dihet se sa, familja u urdhërua me armë të largohej dhe Muhamedi mbeti me ushtarët.
Kishte lutje dhe britma.
Dy nga vëllezërit e tij janë arrestuar dhe ende nuk janë liruar. Pjesa tjetër e familjes gjeti strehim në një ndërtesë të bombarduar.
Pastaj, një javë më vonë, ata u kthyen në shtëpi për të gjetur trupin e Muhamedit.
Ai u gjakos deri në vdekje i vetëm, pa ndihmë, thotë nëna e tij.
Nabila ka mbetur me imazhin e fëmijës së saj të vdekur.
“Nuk do ta harroj kurrë këtë skenë…Vazhdimisht shoh qenin duke i shqyer dorën dhe gjaku që i rrjedh nga dora. Është gjithmonë para syve të mi, nuk më braktis për asnjë moment. Nuk mundëm ta shpëtonim, as prej tyre e as nga qeni”.
Marrë nga “Corriere della Sera”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Zbulohet një diamant 1 mijë karatësh në Botswana
-
Policia ngre alarmin për disa “mesazhe mashtruese” që vjedhin llogaritë e mediave sociale
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel