Kosova dhe Italia kanë nënshkruar të mërkurën marrëveshje për njohjen e ndërsjellë të patente shoferëve të dy shteteve respektive.
Lajmi u bë i ditur nga Ministri i Punëve të Brendshme, Xhelal Sveçla, i cili njoftoi se marrëveshja është nënshkruar mes tij dhe zëvendësministrit të Infrastrukturës dhe të Mobilitetit të Qëndrueshëm të Italisë, Edoardo Rixi.
Këtë marrëveshje, Sveçla e ka konsideruar si “moment i shënuar për mërgatën tonë në Itali”.
“Njohja e patën shoferëve do të lehtësojë jetën dhe do të jetë një lirim edhe nga barra ekonomike e këtij procesi që e ka rënduar mërgatën deri më tash. Finalizimi i këtij procesi të rëndësishëm për vendin tonë dhe qytetarët tanë riafirmon raportet e shkëlqyeshme që gëzojmë si Republikë e Kosovës me Republikën e Italisë”, shkroi Sveçla në Facebook.
Ky, shtoi kreu i MPB-së, “është një hap i rëndësishëm për mërgatën tonë të cilët asnjëherë nuk u ndalën së mbështeturi ekonomitë familjare e buxhetin e Republikës sonë”.
“Sakrifica dhe angazhimi tyre është pjesë e pandashme e çlirimit, krijimit dhe zhvillimit të shtetit tonë”, shtoi.
Ai uroi të gjithë qytetarët e Kosovës që jetojnë në Itali.
Tutje, Sveçla potencoi se ambasada dhe konsullata e Kosovës në Itali ashtu si edhe zyrtarët e Ministrisë së Punëve të Brendshme, janë në dispozicion për realizimin efikas të kësaj marrëveshje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel