Kina ka thënë se sonda e saj hënore është ngritur me sukses nga ana e largët e Hënës për të filluar udhëtimin e kthimit në Tokë duke mbajtur mostrat e para të mbledhura ndonjëherë nga rajoni.
Media shtetërore kineze ka bërë me dije se moduli grumbullues i anijes Chang’e-6 u ngrit rreth orës 07:38 të së martës për të filluar udhëtimin e kthimit.
Të dielën, roboti u ul në një krater gjigant afër polit jugor të Hënës në një arritje të parë botërore të festuar nga komuniteti ndërkombëtar i shkencës.
Kina është i vetmi vend që ka zbritur në anën e largët të Hënës, duke e bërë këtë edhe më parë në vitin 2019.
Administrata Kombëtare Kineze e Hapësirës (CNSA) e ka përshkruar uljen dhe ngritjen e misionit si “një arritje të paprecedentë në eksplorimin njerëzor hënor”.
Ana e largët ose “e errët” e hënës – e cila shikon larg nga Toka – është teknikisht sfiduese për t’u arritur për shkak të distancës dhe terrenit të vështirë të kraterave gjigantë, të thellë dhe disa sipërfaqeve të sheshta.
Zyrtarëve të hapësirës u është dashur të përdorin një satelit për të drejtuar dhe mbajtur komunikimet me anijen Chang’e-6.
Kina synon të jetë vendi i parë që do të sjellë përsëri mostra shkëmbi dhe dheu nga ana e largët e Hënës, të cilat shkencëtarët kanë thënë se mund të jenë shumë të ndryshme nga formacionet shkëmbore në anën e afërt.
Media shtetërore sakaq ka publikuar video nga agjencia hapësinore e Kinës që tregojnë Chang’e-6 duke nxjerrë një krah të vogël dhe duke valëvitur flamurin kinez pasi mblodhi mostrat e çmuara.
Ky është misioni i gjashtë i Kinës në Hënë, i quajtur sipas perëndeshës së hënës Chang’e në mitologjinë kineze.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Zbulohet një diamant 1 mijë karatësh në Botswana
-
Policia ngre alarmin për disa “mesazhe mashtruese” që vjedhin llogaritë e mediave sociale
-
Shpërthim masiv në uzinën e lëndëve kimike në Texas, urdhërohen evakuime
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel