Enkelejd Alibeaj, Sekretar i Përgjithshëm i Partisë Demokratike (PD), ka akuzuar mazhorancën se po tenton që të emërojë në drejtësi njerëzit e vet me qëllim për të kapur Prokurorinë e Posaçme SPAK.
Kështu ka thënë ai në Komisionin e Ligjeve, teksa po diskutohej për ngritjen e nënkomisionit për vakancat e KLP-së dhe KLGJ-së.
“Sekretari i Përgjithshëm i Kuvendit ka skualifikuar gjashtë kandidatë. Në pamje të parë ka një gjë ose Avokati i Popullit ka dështuar për të vlerësuar kriteret e kushtet dokumentacionit, ose Sekretari i Përgjithshëm i Kuvendit, një vartës i mazhorancës, në një kohë shumë të shkurtër ka vepruar politikisht. Nga analiza sesi parlamenti i është qasur sistemit gjyqësor kjo është një lëvizje politikisht e orientuar atë që ka ekzekutuar Sekretari i Përgjithshëm”, ka thënë ia.
Sipas Alibeajt, kjo tregon se cila është qasja me sistemin e pavarur. Dhe për të, vazhdon e njëjta histori për të kapur organet e drejtësisë.
“Nëpërmjet Sekretarit të Përgjithshëm spastrohen ato që nuk janë në oborrin e mazhorancës dhe lihen ata që nuk janë në oborrin e mazhorancës. Janë shkualifikuar katër nga kandidatët që Avokati i Popullit i ka renditur me pikë më lart. Doni të emëroni njerëzit tuaj për të kapur kreun e SPAK”, ka shtuar Alibeaj.
Komisioni i Ligjeve ndërkohë votoi për ngritjen e nënkomisionit për vakancat e KLP-së dhe KLGJ-së.
Nga radhët e Partisë Socialiste (PS), anëtarë do të jenë Klotilda Bushka, Damian Gjiknuri dhe Klevis Xhoxhi.
Kurse nga radhët e opozitës, do të jenë Gazment Bardhi dhe Dhurata Çupi.
Sakaq, Kuvendi ka publikuar listën përfundimtare të kandidatëve nga radhët e avokatisë dhe nga shoqëria civile, për plotësimin e tre vendeve vakante në Këshillin e Lartë Gjyqësor dhe tre vendeve vakante në Këshillin e Lartë të Prokurorisë.
Lista përfundimtare u publikua më 20 maj dhe janë skualifikuar nga gara gjashtë kandidatë duke ndryshuar dhe listën renditëse të pikëzimit të bërë nga komisioni ad hoc i ngritur nga Avokati i Popullit.
Genci Gjonçaj, Sekretari i Përgjithshëm i Kuvendit, ka skualifikuar nga gara kandidatët Përparim Kalo, Alban Alimema, Fatos Lazimi, Entela Shehaj (Memishaj), Saimir Vishaj dhe Alban Tushe.
Në listën përfundimtare, nga e cila do të përzgjidhen dy anëtarët e rinj në KLGJ në vendin e parë renditet Eris Hysi ndjekur nga Erind Mërkuri, Erind Gërmenji, Albens Tabaku, Klodian Gjermeni, Artan Reçi, Bledar Bajri dhe Saimir Kola.
Nga ana tjetër, listën e kandidatëve për dy vende në KLP e kryeson Erind Mërkuri ndjekur nga Erind Gërmenji, Albens Tabaku, Artan Reçi, Bledar Bajri e Saimir Kola.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Policia ngre alarmin për disa “mesazhe mashtruese” që vjedhin llogaritë e mediave sociale
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Gonzato thotë se korrupsioni mbetet ndër tre shqetësimet themelore për rininë shqiptare
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel