Moti i keq- ekipet e shpëtimit nuk kanë arritur në vendin e rrëzimit të helikopterit të Raisi-t
Sipas zëdhënësit të qeverisë iraniane Ali Bahadori Jahromi, ekipet e shpëtimit nuk kanë arritur në vendin e rrëzimit të një helikopteri që mbante presidentin iranian Ebrahim Raisi dhe ministrin e Jashtëm Hossein Amir-Abdollahian.
Në një prononcim për X, Jahromi tha se ekipet e shpëtimit “po përjetojnë kushte të vështira dhe të ndërlikuara” dhe pranoi se është “e drejta e njerëzve dhe mediave që të jenë të vetëdijshëm për lajmet më të fundit në lidhje me aksidentin me helikopterin e presidentit.
“Sipas koordinatave për vendin e aksidentit dhe kushtet e motit, nuk ka asnjë lajm të ri deri më tani”.
Ekipet e shpëtimit po bëjnë të gjitha përpjekjet për të arritur shpejt helikopterin e presidentit iranian, raporton agjencia e lajmeve gjysmë-zyrtare iraniane Tasnim.
Raportet e motit tregojnë se në dy orët e ardhshme moti pritet të bëhet jashtëzakonisht i ftohtë në zonën e vendit të përplasjes, gjë që mund të pengojë përparimin e shpëtimtarëve, transmeton Tasnim.
Qeveria iraniane po kërkon durim, lutje dhe besim tek shpëtimtarët që po përpiqen të arrijnë në vend, tha zëdhënësi i qeverisë Ali Bahadori-Jahromi në një postim në X.
Gjysmëhëna e Kuqe, ekipet e shpëtimit, alpinistët dhe grupet e tjera të shpëtimit shpresojnë të arrijnë në vendndodhjen e koordinatave të mundshme të helikopterit të presidentit brenda më pak se gjysmë ore, transmeton Tasnim.
Zëvendëspresidenti i Parë i Iranit, Mohammad Mokhber është rrugës për në Tabriz, zona ku u rrëzua helikopteri i presidentit të dielën, tha zëdhënësi Jahromi. Disa zyrtarë të tjerë qeveritarë janë në rrugë me të.
Presidenti iranian Raisi dyshohet se ka vdekur në aksident ajror
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Zbulohet një diamant 1 mijë karatësh në Botswana
-
Policia ngre alarmin për disa “mesazhe mashtruese” që vjedhin llogaritë e mediave sociale
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel