Kryetari i Bashkimit Demokratik për Integrim (BDI), udhëheqësi i “Frontit Evropian”, Ali Ahmeti, ka thënë se e ka paralajmëruar liderin e koalicionit “VLEN”, që më 8 maj, pra ditën e zgjedhjeve parlamentare, të dorëzohet, pra ta pranojë humbjen.
Këto komente, Ahmeti i ka bërë gjatë një tubimi elektoral në Bogovinë, të premten.
“E kam paralajmëru Bilallin, në realitet trajnerin e Bilallit, më 8 maj ta hedh peshqirin e bardhë në ring, të mos marrë nokaut klasik”, tha Ahmeti.
Duke folur për udhëheqësit e “VLEN”-it, lideri i “Frontit Evropian”, theksoi se të njëjtit janë në pushtet për 20 vjet, dhe nuk janë në opozitë, ashtu siç pretendojnë.
“Pa dashur të nënçmojë oponentët shqiptarë që janë bashkuar që thonë si opozitë, por të gjithë nga 20 vjet në pushtet kanë qenë, nuk janë opozitë, të bëhen të sinqertë”, deklaroi kreu i BDI-së.
Ndryshe, më 8 maj në Maqedoni të Veriut mbahen zgjedhjet parlamentare, së bashku me raundin e dytë të atyre presidenciale.
Në taborin shqiptar janë dy kampe, “Fronti Evropian”, që udhëhiqet nga Ahmeti, dhe koalicioni “VLEN”, lideri i të cilit është Bilall Kasami.
Këto zgjedhje vijnë pas raundit të parë të atyre presidenciale, ku kandidati i “Frontit Evropian”, Bujar Osmani, fitoi në taborin shqiptar me një diferencë rreth 49 mijë vota ndaj atij të “VLEN”-it, Arben Taravari.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gazetarja serbe: Vuçiç s’e thotë të vërtetën – Kosova është shtet i pavarur
-
Çfarë nënkupton zgjedhja e Marta Kos si Komisionere e Zgjerimit?
-
“Përndjekje ndaj simbolit tonë kombëtar”, Mustafi dënohet nga Serbia për ngritjen e flamurit shqiptar
-
Ish-diplomati serb: Kosova histori e mbyllur, Vuçiçi po e dorëzon
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi