Meghan Markle do të nisë zyrtarisht projektin e ri American Riviera Orchard këtë pranverë
![](https://albanianpost.com/wp-content/uploads/2024/04/Pamja-e-ekranit-2024-04-12-094619.jpg)
Meghan Markle po përgatitet të zbulojë më shumë nga American Riviera Orchard.
Dukesha e Sussex, do të lançojë zyrtarisht markën e saj të re të jetesës më vonë këtë pranverë.
Meghan zbuloi faqen e internetit të American Riviera Orchard dhe llogarinë në Instagram më 14 mars.
Përditësimi pason njoftimin e Meghan dhe Princit Harry më 11 Prill në lidhje me dy seriale të reja në zhvillim në Netflix përmes qendrës së tyre Archewell Productions, raporton Deadline, transmeton AlbanianPost.
Këto shfaqje, të cilat janë pjesë e marrëveshjes së tyre të vazhdueshme shumëvjeçare me platformën e transmetimit, do të fokusohen në pasionet individuale të Dukës dhe Dukeshës së Sussex.
Një serial i kuruar nga Meghan do të nxjerrë në pah kënaqësinë e gatimit, kopshtarisë, argëtimit dhe miqësisë dhe ajo do mbajë edhe pozitën e producentes ekzekutive.
Seriali do të prodhohet nga ‘The Intellectual Property Corporation’, pjesë e ‘Sony Pictures Television’, nën drejtimin e prezantueses Leah Hariton, e cila prodhoi serinë e kuzhinës “Selena + Chef të Selena Gomez”.
Ndërkohë, një projekt i dytë i Netflix do t’i çojë shikuesit në botën e polo profesionale – një dashuri e gjatë e Harry-t, 39 vjeç.
Programi do të xhirohet kryesisht në Kampionatin e Polo-s të SHBA-së në Florida do të filmohet për të shfaqur përkushtimin e nevojshëm për të pasur sukses në sportin e kuajve.
Duka dhe Dukesha e Sussex-it janë të vendosur të shërbejnë si producentë ekzekutivë për shfaqjen me polo, e cila do të prodhohet nga ‘Boardwalk Pictures’ me drejtuesin e shfaqjes Milos Balac.
Të dy serialet thuhet se janë në fazat e hershme të prodhimit, me tituj dhe data të premierës që priten në muajt e ardhshëm.
Lajmet erdhën pasi një burim zbuloi se Meghan ishte “e ngazëllyer” për American Riviera Orchard dhe praninë e saj në mediat sociale.
“Meghan e gjen të përsosur emrin American Riviera Orchard. Ajo ndihet autentike për të. Ajo mezi pret që uebfaqja të hapet”, tha burimi.
Emri American Riviera Orchard i bën homazh Santa Barbara, qyteti i Kalifornisë ku Dukesha e Sussex jeton me Princin Harry dhe fëmijët e tyre, djalin 4-vjeç Princ Archie dhe vajzën 2-vjeçe Princesha Lilibet.
Meghan Markle rikthehet në Instagram, nis një sipërmarrje të re surprizë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com