![](https://albanianpost.com/wp-content/uploads/2024/02/iokljljhi.png)
Më shumë se 30 mijë palestinezë janë vrarë në Gaza që nga 7 tetori. Kështu ka bërë me dije Ministria e Shëndetësisë e drejtuar nga Hamasi.
Shifra barazohet me rreth 1.3 për qind të popullsisë 2.3 milionëshe të territorit – treguesi i fundit i zymtë i numrit të tmerrshëm të kësaj lufte.
Sakaq, ministria ka dalluar se shumica e të vrarëve ishin gra dhe fëmijë.
Po ashtu ka njoftuar se 81 njerëz ishin vrarë në 24 orët e fundit, duke e çuar totalin në 30 mijë e 35.
Numri aktual i të vdekurve ka të ngjarë të jetë shumë më i lartë pasi numërimi nuk përfshin ata që nuk kanë arritur në spitale, mes tyre mijëra njerëz ende të humbur nën rrënojat e ndërtesave të goditura nga sulmet ajrore izraelite.
Më shumë se 70 mijë persona të lënduar janë regjistruar nga Ministria e Shëndetësisë e Gazës, e cila është burimi i vetëm zyrtar për viktimat.
Nga ana tjetër, e pyetur për vlerësimin e saj mbi numrin e viktimave dhe shkatërrimin e civilëve dhe luftëtarëve, ushtria izraelite ka thënë vetëm se “numri i terroristëve të vrarë është afërsisht 10 mijë”.
Që një vdekje palestineze të regjistrohet në Gaza, një kufomë duhet të shihet nga stafi i spitalit ose punonjësit mjekësorë.
Në fund të çdo dite, spitalet dërgojnë listat e të gjitha viktimave, duke përfshirë – aty ku dihen – emrat, numrat e identitetit, datat e dëmtimit ose vdekjes dhe detajet e lëndimeve dhe gjendjes në një sistem të centralizuar të ministrisë.
Operatorët e saj tani janë të vendosur në Rafah.
Gjysmëhëna e Kuqe Palestineze gjithashtu kontribuon me të dhëna.
Gjatë kësaj lufte ka qenë më e vështirë se kurrë të raportohen shifra për shkak të morteve të tejmbushura, luftimeve brenda dhe përreth spitaleve dhe klinikave, dhe lidhjes së dobët të internetit dhe telefonit.
Megjithatë, nëse dhe kur bihet dakord për një armëpushim afatgjatë ose lufta përfundon, përpjekjet për të gjetur trupa dhe për të gjurmuar të zhdukurit duhet të lejojnë një pamje më të qartë të numrit të të vrarëve, duke përfshirë numrin e luftëtarëve.
OKB-ja dhe grupet e të drejtave të njeriut, si dhe ushtria izraelite, mund të pritet që të kryejnë hetimet e tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com