![](https://albanianpost.com/wp-content/uploads/2023/11/kj-kmln.png)
Një zhytës italian ka zbuluar pranë bregut të Sardenjës dhjetëra mijëra monedhave romake bronzi.
Kështu ka bërë me dije ministria e kulturës e Italisë.
Pasi burri njoftoi autoritetet, zhytësit nga një skuadër për mbrojtjen e artit dhe departamenti i arkeologjisë nënujore të ministrisë u dërguan për të hetuar.
Monedhat, të cilat datojnë në gjysmën e parë të shekullit të IV, u gjetën jo shumë larg bregut verilindor të ishullit të Mesdheut.
Numri i monedhave të marra deri më tani është ende duke u përcaktuar pasi ato tani janë duke u renditur.
Vlerësohet se ka të paktën 30 mijë monedha, dhe ndoshta deri në 50 mijë.
Monedhat e lashta romake të gjetura quhen follis, një monedhë bronzi e prezantuar rreth vitit 294 pas Krishtit me reformën monetare të ish-perandorit romak Dioklecianit.
Të gjitha monedhat janë në një gjendje të jashtëzakonshme dhe të rrallë të ruajtjes.
Edhe ato pak monedha që u dëmtuan kanë ende mbishkrime të lexueshme, sipas ministrisë.
Luigi La Rocca, një zyrtar nga departamenti i arkeologjisë së Sardenjës, e përshëndeti gjetjen si një nga zbulimet më të rëndësishme të monedhave në kohët e fundit.
Ai tha se kjo është një dëshmi e mëtejshme e pasurisë dhe rëndësisë së trashëgimisë arkeologjike të ruajtur nën shtratin e detit.
Shumica e monedhave u gjetën në një zonë me rërë midis barit të detit nënujor dhe plazhit, duke sugjeruar praninë e mbytjeve të anijeve aty pranë, sipas ministrisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com