Policia e Kosovës, këtë të marte, ka parandaluar një rast të kontrabandimit me mallra në Veri të Kosovës.
Policia e Kosovës, përmes një komunikate për media, ka bërë të ditur se rreth orës 10:25, gjatë kontrollit kufitar, në hyrje të pikëkalimit kufitar Bërnjak, në automjetin Audi ngjyrë hiri me targa të Serbisë, është gjetur një sasi e mallit të fshehur që dyshohet të jetë kontrabanduar:
“20 Iphone 14, 10 Iphone 14 PRO dhe 10 Iphone 14 PRO MAX”, janë gjetur në veturë ka njoftuar Policia e Kosovës.
“Me autorizim të prokurorit të Shtetit malli i kontrabanduar konfiskohet dhe i dorëzohet Doganës së Kosovës për veprime të mëtutjeshme hetimore”, thuhet ndër të tjera në komunikatë.
Policia e Kosovës, sipas komunikatës, mbetet e përkushtuar në menaxhimin dhe kontrollin efikas të kufirit shtetëror dhe parandalimin e veprave penale dhe kontrabandës në përgjithësi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
23 Ditët e Testit për Kosovën: Vuçiç Fiton Terren, Albin Kurti Humbet Aleatët
-
Hasani nga New Yorku: Firmosim disa marrëveshje për liberalizimin reciprok të vizave
-
Bejrut, Hezbollahu mes parashikimeve dhe maktheve: “Po sikur Izraeli të godasë Nasrallahun?”
-
Osmani merr pjesë në Asamblenë e Përgjithshme të OKB-së
