Ushtria izraelite bën thirrje që të evakuojnë Gazën veriore përpara operacionit të afërt të IDF-së
![](https://albanianpost.com/wp-content/uploads/2023/10/Screenshot-2023-10-28-150735.png)
Ushtria izraelite të shtunën ribotoi një thirrje për palestinezët që të evakuojnë Rripin verior të Gazës përpara një operacioni të afërt izraelit.
Lajmi u bë i ditur nga agjencia “Haaretz”.
Izraeli, i cili thotë se Hamasi ka vendosur armët dhe forcat e tij mes civilëve, u ka thënë banorëve të Gazës që të lëvizin në jug për sigurinë e tyre.
“Kjo është një këshillë urgjente ushtarake”, tha zëdhënësi Daniel Hagari në platformën e mediave sociale X. “Për sigurinë tuaj të menjëhershme, ne u bëjmë thirrje të gjithë banorëve të Gazës veriore dhe qytetit të Gazës që të zhvendosen përkohësisht në jug”.
Ai theksoi se operacioni i afërt i IDF-së është vendosur për të neutralizuar “kërcënimin e Hamasit me saktësi dhe intensitet”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com