![](https://albanianpost.com/wp-content/uploads/2023/10/Screenshot-2023-10-21-101939.png)
Egjipti po pret dhjetëra liderë rajonalë dhe zyrtarë të lartë perëndimorë për një samit mbi luftën midis Izraelit dhe grupeve terroriste palestineze në Gaza.
Takimi i të shtunës në Kryeqytetin e Ri Administrativ të Egjiptit, në lindje të Kajros, do të diskutojë mënyrat për të de-përshkallëzuar luftimet dhe për të kërkuar një armëpushim mes shqetësimeve në rritje për një konflikt rajonal, raportojnë mediat shtetërore të Egjiptit.
Në mesin e atyre që marrin pjesë në samit janë liderët e Qatar-it, Emirateve të Bashkuara Arabe dhe Autoritetit Palestinez.
Të pranishëm janë gjithashtu kryeministrat e Italisë, Spanjës, Greqisë dhe Kanadasë dhe presidenti i Këshillit Evropian, sipas gazetës së përditshme shtetërore Al-Ahram.
Ministrat e Jashtëm nga Gjermania, Franca, Britania e Madhe dhe Japonia po marrin pjesë gjithashtu, raporton gazeta.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com