![](https://albanianpost.com/wp-content/uploads/2023/10/ythnbgftngjhy.png)
Elon Musk me sa duket e konsideron mundësinë e bllokimit të platformës X në Bashkimin Evropian.
“Business Insider” ka raportuar se Musk e ka ‘humbur durimin’ me Aktin e Shërbimeve Digjitale (DSA), i cili kërkon që platformat e mëdha në internet të formojnë sisteme transparente të moderimit dhe të heqin informacionin e rremë dhe mashtrues.
Në javët e fundit, Musk ka sugjeruar se X mund të ndalojë së qeni i aksesueshëm në Evropë, në mënyrë që të shmanget rregullorja e re e miratuar nga Komisioni Evropian.
Musk është gjithnjë e më i frustruar që duhet të pajtohet me Aktin e Shërbimeve Digjitale, sipas një personi të njohur me kompaninë.
Sipas tij, ai e ka marrë në konsideratë heqjen e disponueshmërisë së aplikacionit në rajon, ose bllokimin e përdoruesve në BE nga aksesi në të.
DSA hyri në fuqi në gusht dhe kërkon që platformat e mëdha në internet si X të kenë sisteme efektive dhe transparente për moderimin dhe heqjen e informacionit të rremë, mashtrues dhe të dëmshëm.
Me një valë dezinformatash në lidhje me luftën Izrael-Hamas duke u bërë shpejt virale në X, platforma ka të ngjarë tashmë të ketë shkelje të DSA-së.
Musk ka pushuar pjesën më të madhe të ekipit të sigurisë së X, i cili dikur kishte qindra njerëz të ngarkuar me moderimin dhe mbikëqyrjen e përmbajtjeve në platformë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com