![](https://albanianpost.com/wp-content/uploads/2023/10/AP23280400744514.jpg)
Një këshilltar i lartë i liderit suprem të Iranit Ayatollah Ali Khamenei shprehu mbështetjen për një sulm të Hamas-it të nisur kundër Izraelit, duke e quajtur atë një “operacion krenar”.
“Ne mbështesim operacionin krenar të përmbytjes Al-Aqsa”, thotë Yahya Rahim Safavi në një takim të mbajtur në mbështetje të fëmijëve palestinezë në Teheran, cituar nga agjencia e lajmeve ISNA.
“Ne e mbështesim këtë operacion dhe jemi të sigurt se fronti i rezistencës gjithashtu e mbështet këtë çështje”, thotë Safavi, i cili është një gjeneral i lartë në Korpusin e Gardës Revolucionare Islamike.
Safavi shprehu mbështetjen për militantët palestinezë “deri në çlirimin e Palestinës dhe Jeruzalemit”.
Zëdhënësi i Ministrisë së Jashtme të Iran-it, Nasser Kanani, përshëndeti gjithashtu sulmin terrorist palestinez ndaj Izraelit.
“Operacioni i sotëm shënoi një faqe të re në fushën e rezistencës dhe operacioneve të armatosura kundër pushtuesit”, thotë ai. “Rezistenca deri më tani ka arritur fitore të shkëlqyera gjatë këtij operacioni dhe kjo është një pikë e ndritshme në historinë e luftës së popullit palestinez kundër zionistëve”.
Në një seancë parlamenti të shtunën, ligjvënësit iranianë brohoritën “Poshtë Izraeli”, “Poshtë Amerika” dhe “Mirë se vini Palestinë”, sipas një video të publikuar nga agjencia e lajmeve Tasnim.
Irani, i cili priti liderët e Hamasit dhe Xhihadit Islamik në qershor, e konsideron Izrael-in armikun e tij kryesor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com