Nënkryetarja e Partisë Demokratike të Kosovës (PDK), Vlora Çitaku, ka reaguar për heshtjen e presidentes Vjosa Osmani, e cila deri më tani nuk ka reaguar për masat e Bashkimit Evropian ndaj Prishtinës, si pasojë e refuzimit të qeverisë për t’i zbatuar kërkesat e tyre për de-eskalim të situatës në Veri, pas tensioneve atje.
Çitaku përmes një postimi në llogarinë e saj në rrjetin social “Facebook”, ka thënë “heshtja nuk është gjithmonë flori”.
“Në politikë, e posaçërisht në situata të rënda sikur këto nëpër të cilat po kalon Kosova, heshtja është pajtim. Është nënshtrim”, ka thënë Çitaku për heshtjen e presidentes.
Ajo pyet Osmanin se “cili është qëndrimi i juaj i qartë e pa gjeneralizime, për situatën në të cilën jemi?”.
“A mendoni njëjtë si Kurti apo nuk pajtoheni me të?”, pyet ajo.
Ish-ambasadorja e Kosovës në Shtetet e Bashkuara të Amerikës potencon se “qytetarët kanë nevojë të dëgjojnë” nga Osmani.
“Konkretisht çka mendoni? Jo fraza”.
Sipas saj, Osmani tërë karrierën politike e ka ndërtuar “në antagonizma”.
“Por, atëherë ka qenë populiste me e kundërshtu (Hashim) Thaçin, (Isa) Mustafën…”.
“E tash?”, pyet Osmani “pse po heshtni?”.
“Nuk rrezikohet e ardhmja e vendit për një grusht vota e për likes në Facebook”.
Ndryshe, Nënkryetarja e Partisë Demokratike e Kosovës (PDK), Vlora Çitaku, e ka kritikuar edhe kryeministrin e Kosovës, Albin Kurti për deklaratën e tij në konferencë për media ku tha se ka refuzuar takimin me kryeministrin e Shqipërisë, Edi Rama.
Përmes një shkrimi në rrjetin social ‘Facebook’, Çitaku ka thënë se me presidentin e Serbisë takohet pa kushte e kryeministrit të Shqipërisë i vendosë kushte.
“Si është e mundur që Kryeministri Kurti refuzon takimin me Kryeministrin e Shqipërisë? Si është e mundur?! Kjo është marrëzi. Turp”.
“Vuçiçin e takon pa kushte, e Ramës i vendosë kushte”, ka shkruar ajo.
Tutje nënkryetarja e PDK-së ka thënë se kryeministri duhet të lë anash “inatet, mllefet e hatërmbetjet personale”.
“Kryeministër, Kosova nuk është lodër. Qeverisja nuk është lojë fëmijësh. Lëri inatet, mllefet e hatërmbetjet personale”.
Osmani është “e pakënaqur me politikën anti-amerikane të Kurtit, por s’guxon të flas”
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel