![](https://albanianpost.com/wp-content/uploads/2023/07/Capture-4.png)
WhatsApp thjeshton transferimin e historisë së bisedave me një veçori të re, pa përdorur kopje rezervë në cloud.
Përdoruesit tani marrin një kod QR në pajisjen e vjetër, që përmban historikun e tyre, dhe e transferojnë lokalish në telefonin e ri përmes Wi-Fi Direct.
Funksioni është aktualisht në dispozicion vetëm për përdoruesit e WhatsApp Beta dhe mund të përdoret për transferime në të njëjtin sistem operativ (Android në Android dhe iOS në iOS).
Procesi përfshin hyrjen në cilësimet e WhatsApp, ku përdoruesit shohin opsionin e ri në seksionin “Chats” për transferimin e bisedave.
Kompania mëmë e WhatsApp, Meta, deklaron se të dhënat e historisë së bisedave ndahen vetëm midis dy pajisjeve dhe janë të koduara plotësisht gjatë procesit të transferimit.
Kjo është hera e parë që kompania prezanton një metodë lokale transferimi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com