![](https://albanianpost.com/wp-content/uploads/2023/06/29feee4480122502cb728f1cc8bdac91_1659015958_extra_large.jpeg)
Presidenti i Ukrainës, Volodymyr Zelenskyy, ka theksuar nevojën për legalizimin e kanabisit mjekësor në Ukrainë.
Lajmi u bë i ditur gjatë një fjalimi të kreut të shtetit në Verkhovna Rada (parlamenti i Ukrainës).
Zelensky u shpreh se Ukraina duhet të krijojë sektorin më të fortë të rehabilitimit mendor dhe fizik në Evropë dhe kjo do të përfshijë ndërtimin e qendrave të rehabilitimit dhe trajnimin e personelit përkatës.
Të gjitha praktikat dhe zgjidhjet më të mira në botë, pavarësisht sa të vështira apo të pazakonta mund të jenë, duhet të zbatohen në Ukrainë, në mënyrë që asnjë qytetar ukrainas të mos durojë dhimbjen, stresin dhe traumën e luftës, theksoi Zelenskyy.
“Në veçanti, më në fund duhet të legalizojmë me ndershmëri kanabisin me bazë mjekësore për këdo që ka nevojë për të, [me] kërkimin shkencor përkatës dhe prodhimin e kontrolluar ukrainas”, ravijëzoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com