Futbollisti nga Mitrovica, Bujar Pllana, është transferuar te skuadra kroate, Slaven Belupo.
Lajmin e ka bërë të ditur vetë klubi nga Kroacia, të cilët konfirmuan që kanë nënshkruar me Pllanën, i cili së fundmi ishte pjesë e klubit të Prishtinës.
“Bujar Pllana është lojtari i ri i Slaven Belupës. Mbrojtësi i lindur në Kosovë 29.10.2001 do të bashkohet me skuadrën tonë për stërvitjen e pasdites pasi nënshkroi një kontratë tre-vjeçare sot”, shkruan Slaven Belupo.
“Pllana te Slaven vjen nga FC Prishtina për të cilën sezonin e kaluar luajti 25 ndeshje, shënoi katër gola dhe regjistroi një asistim”.
Për nënshkrimin u shpreh i lumtur edhe Pllana, i cili përmendi edhe dy lojtarët tjerë nga Kosova që luajnë në këtë klub.
“Jam shumë i lumtur që mbërrita në Slaven Belupo. Miqtë e mi Hoxha dhe Manaj më kanë thënë vetëm gjëra pozitive për klubin dhe qytetin ndaj vendimi nuk ishte i vështirë”, tha Pllana.
“Për mua, ardhja në Slaven dhe ligën kroate është një hap i madh përpara në karrierën time dhe mezi pres ndeshjet”, shtoi ai.
“Sa i përket lojës, më pëlqen të jem agresiv dhe më pëlqen loja në duel dhe gjëja më e rëndësishme është të ndihmoj ekipin të arrijë rezultatet e dëshiruara me lojërat e mia”, tha Pllana për faqen zyrtare të klubit të tij të ri.
Kujtojmë që 22-vjeçari në të kaluarën ka luajtur edhe për Trepçën dhe Feronikelin, derisa numëron edhe tri ndeshje me Kombëtaren U21 të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Laçi “deh” dy mbrojtës dhe portierin, për golin e parë në Champions në karrierë
-
Interesimi nga Real Madrid, Rodri: Kam edhe tre vite me Man City-n
-
Jamal Musiala, ëndrra e radhës e Florentino Perez-it
-
Prokuroria kërkon informata nga Policia, pasi Agim Ademi i kërcënoi lojtarët se “do ua thyej këmbët”
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi