Raportuesja për Kosovën në Parlamentin Evropian, Viola von Cramon, ka shtuar edhe një kërkesë të veçantë, mbi tri të tjerat që i ka parashtruar Bashkimi Evropian për Kosovën gjatë ditës së djeshme.
Përmes një cicërimë të ndarë në llogarinë e saj të Twitter, Von Cramon ka kërkuar hetime të plota dhe ndjekje penale ndaj autorëve që fshihen pas sulmeve kundër trupave paqeruajtëse të KFOR-it.
One additional but crucial request:
– full investigation and prosecution of the perpetrators of the attacks against @NATO_KFOR soldiers
We are all immensely grateful for all what @NATO_KFOR troops do and wish them a speedy recovery. https://t.co/XqZvUvohlW
— Viola von Cramon 🇺🇦🇪🇺 (@ViolavonCramon) June 2, 2023
“Një kërkesë shtesë, por thelbësore – hetimi dhe ndjekja e plotë e autorëve të sulmeve kundër trupave të KFOR-it”, ka shkruar Von Cramon pos tjerash.
Në anën tjetër, Përfaqësuesi i Lartë i Bashkimit Evropian për Politikë të Jashtme dhe të Sigurisë, Josep Borrell, nëpërmjet një cicërime në “Twitter”, ka treguar tri kërkesat që ia ka bërë të enjten Presidentes së Kosovës, Vjosa Osmani, në Kishinau të Moldavisë.
Borrell zhvilloi një takim me presidenten Osmani, kancelarin gjerman Olaf Scholz dhe presidentin francez Emmanuel Macron në margjinat e samitit të dytë të Komunitet Politik, ku është diskutuar ekskluzivisht për zhvillimet e fundit politike dhe të sigurisë në pjesën veriore të Kosovës.
Shefi i diplomacisë evropiane në mënyrë të drejtpërdrejtë tregoi se Bashkimi Evropian ka tri kërkesa “të qarta” për autoritetet kosovare, të cilat nëse nuk përmbushen “do të kenë pasoja serioze në marrëdhëniet tona me Kosovën”.
“Zgjedhjet të reja në veri menjëherë, garantimi i pjesëmarrjes së serbëve të Kosovës dhe nisja e punës për themelimin e Asocicionit të Komunave me Shumicë Serbe. Dështimi për të bërë këtë, do të ketë pasoja serioze për marrëdhëniet tona”, shkroi Borrell.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gazetarja serbe: Vuçiç s’e thotë të vërtetën – Kosova është shtet i pavarur
-
Kurti për doganierin e EULEX-it të vrarë në Veri: U qëllua me gjakftohtësi
-
“Përndjekje ndaj simbolit tonë kombëtar”, Mustafi dënohet nga Serbia për ngritjen e flamurit shqiptar
-
Ish-diplomati serb: Kosova histori e mbyllur, Vuçiçi po e dorëzon
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Çfarë nënkupton zgjedhja e Marta Kos si Komisionere e Zgjerimit?
-
Kurti për doganierin e EULEX-it të vrarë në Veri: U qëllua me gjakftohtësi