Pas reagimit të Ministrisë së Punëve të Jashtme të Rusisë, për situatën e krijuar në Veri të Kosovës, ka reaguar e Ministria e Punëve të Jashtme të Kinës.
Zëdhënësja e kësaj ministrie, Mao Ning, ka thënë se Republika Popullore e Kinës, mbështet përpjekjet e Serbisë, sipas tyre, “për të mbrojtur sovranitetin dhe integritetin e saj territorial” në njërën anë dhe kundërshton në anën tjetër veprimet e njëanshme të ndërmarra nga Qeveria e Kosovës.
In response to escalating tension in #Kosovo and clashes between #NATO soldiers and Serb protesters, Chinese Foreign Ministry spokesperson Mao Ning said China pays close attention to relevant developments, supports Serbia's efforts to safeguard its sovereignty and territorial… pic.twitter.com/KwnFD4eK8F
— Global Times (@globaltimesnews) May 30, 2023
Në anën tjetër një ditë më parë ministri i Punëve të Jashtme të Federatës Ruse, Sergey Lavrov, ka thënë se situata të Kosovë “është alarmante”, dhe ka pretenduar se “një shpërthim i madh mund të ndodhë në qendër të Evropës”.
Lavrov, siç pritej për situatën e krijuar në Kosovë – ku protestuesit e dhunshëm serbë, kryesisht në qytetin e Zveçanit, kanë sulmuar trupat e misionit të NATO-s në Kosovë, KFOR-it, duke lënë të lënduar 41 prej tyre – ka akuzuar vendet e Perëndimit.
“Ata kanë shkelur të gjitha parimet e Kartës së Helsinkit dhe dokumentet e tjera të OSBE-së. Situata është alarmante, por Perëndimi ka nisur rrugën e nënshtrimit total të kujtdo që shpreh mendimin e tij në çfarëdo mënyre”, ka thënë Lavrov para gazetarëve.
Ndryshe, 41 pjesëtarë të KFOR-it janë lënduar nga protestuesit serbë në Zveçan, derisa po ndalonin turmën të futej në zyrat e objektit komunal.
Për të dytën ditë me radhë, serbët në Zveçan, Leposaviq dhe Zubin Potok po protestojnë kundër kryetarëve të rinj shqiptarë të këtyre komunave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Borrell dhe liderët e Ballkanit Perëndimor takohen të mërkurën në drekë pune
-
Gërvalla në Kanada diskuton për sfidat e vendeve të prekura nga konfliktet
-
“Bizneset dhe ekonomia po kthehen në trajektoren e rritjes”, thotë Murati
-
Haradinaj: Po punojmë që më 9 shkurt Kosova të marrë drejtimin që i duhet për të ecur përpara
Lajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Borrell dhe liderët e Ballkanit Perëndimor takohen të mërkurën në drekë pune