![](https://albanianpost.com/wp-content/uploads/2021/01/metani.png)
Bashkim Metani, vëllai i dy motrave që u ekzekutuan në zonën e Astirit në Tiranë, thotë se Përparim Ademi (Tela) i ka lënë shtatzënë të dyja dhe së 10 fëmijët e tyre i ka shitur në Selanik.
“Motra m’i ka treguar të gjitha në muajin dhjetor, nuk i denoncova pasi ma kërkuan motrat, pasi kishin frikë se do i vriste”, është shprehur Metani.
Ai thotë se Tela ka jetuar në Maqedoni me një prej motrave të tij, ndërsa ka dyshime se të dyja motrat janë shfrytëzuar në kohë të ndryshme për prostitucion.
“Përparim Ademi (Tela) ka shitur më shumë se 10 fëmijë të motrave të mija. Të dyja motrat e mija kanë pasur shumë detaje të atyre që ai ka bërë, ndaj edhe i ka vrarë. Një person që e do një njeri nuk e nxjerr në rrugë dhe nuk e shfrytëzon” tha më tej vëllai i viktimave.
Metani thotë se bashkëshortja e tij ka qenë në dijeni të të gjitha veprimeve që ai ka kryer, ndërsa motrat mbaheshin nën monitorim nga djali i autorit të vrasjes, për çdo lëvizje që bënin.
“Ai nuk ka qenë vetëm, ka pasur bashkëpunëtor të tjerë, ka pasur lidhje me një avokat që është në Greqi, që mesa di tashmë ka ndërruar jetë’ dëshmoi më tej Bashkim Metani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com