![](https://albanianpost.com/wp-content/uploads/2022/12/39ea24bceb99d065df1a5d4890d373be78d9682f.jpg)
Toke këtu.
Kur nënkomiteti për të drejtat e njeriut (Komisionin e Drejtësisë) miratoi hyrjen e lirë të qytetarëve të Katarit në Evropë, Francesco Giorgi, (bashkëshorti i Eva Kailit) përplasi duart me mikun e tij, Mamedov Eldar, në shenjë kënaqësie reciproke.
Gjithçka kishte shkuar mirë.
Të dy të pranishëm në sallën e gjyqit, për të ndjekur deri në fund një dispozitë që e kishin shoqëruar që në ngjizjen e saj.
Tashmë dihen shumë gjëra Giorgin, ish-asistentin parlamentar të Antonio Panzerit (një nga personazhet e skandalit) dhe Andrea Cozzolinon.
Në atë seancë, si në shumë të tjera, ishte e pranishme edhe shoqëruesja e tij Eva Kaili, një nga 14 nënkryetaret e Parlamentit Evropian, e cila nga zelli mori mundimin me atë rast të jepte edhe një mendim të favorshëm për dispozitën.
Kjo, pa paralajmëruar grupin e saj , Aleancën Progresive të Socialistëve dhe Demokratëve (S&D), e cila në fakt e gjeti veten me një votë më shumë se sa pritej dhe duhej.
Këshilltari Misterioz
Por ai i dyti është një emër i ri, me një histori të veçantë.
Në skemën e madhe organizative të S&D, “ekipi ynë” në faqen e referencës, 50-vjeçari Mamedov Eldar, me pasaportë letoneze dhe me origjinë iraniane dhe maqedonase, paraqitet si këshilltar politik për punët e jashtme.
Sipas disa burimeve, zyra e tij në ndërtesën e Bashkimit Evropian kushtuar Stephen Cëeig, ish-Atrium në Bruksel, u bastis dhe u vulos nga xhandarmëria belge.
Megjithatë, interesat e tij kanë të bëjnë vetëm me një fushë, gjithmonë.
“Një lobist iranian” është përkufizimi i përgjithshëm i këtij personazhi të njohur në Strasburg dhe Bruksel.
Eurodeputetët e grupit kujtojnë se si çdo herë që njëri prej tyre shprehej me terma të ashpër ndaj Katarit, siç njihet një nga aleatët kryesorë të Iranit, Eldar ndërhynte duke u përpjekur të zbuste pozicionin e tij.
Shpesh duke pasur sukses në qëllimin e tij, siç dëshmohet nga propozimi i Komisionit për vizat hyrëse më pas të ngrira pas arrestimeve të së premtes së kaluar, i cili njohu “progresin”, siç ishin përcaktuar në draftin përfundimtar, të bërë nga Katari për të drejtat civile.
Miqtë dhe bashkëpunëtorët
Të gjithë emrat të çojnë te Panzeri, “i dyshuar se ka ndërhyrë politikisht me disa deputetë evropianë në favor të Katarit dhe Marokut në këmbim të pagesave”, siç thuhet në aktakuzën e tij.
Nga ana tjetër, Eldari u sugjeroi dhe vizatoi skenarë deputetëve që kishin të bënin me vendet e Gjirit.
Carlo Bittarelli, një italian me origjinë nga Lozana, gjithashtu nga ish-demokratët e majtë, ku ishte anëtar i sekretariatit të seksionit të Brukselit përpara se të bëhej, bëri të njëjtën gjë, në kuptimin që roli i tij mes socialistëve evropianë është identik.
2007, asistent i një eurodeputeti të parë të emëruar, Antonio Panzeri.
Me të cilin ka punuar deri në vitin 2014, duke përgatitur dosjet e politikës së jashtme.
Sot ka mbetur në rrethinat e Parlamentit Evropian.
Duket se zyra e tij ka marrë edhe vëmendjen e hetuesve belgë.
“Ekipi ynë” e cilëson atë edhe si këshilltar politik, por i atij nënkomiteti për të drejtat e njeriut (Droi) që duket të jetë qendra e gravitetit të të gjithë hetimit, vendi ku u bashkuan interesat dhe shtysat për të ndihmuar çdo mik të Katarit.
Rrjeti
Eldar dhe Bittarelli nuk janë të dyshuar.
As Mychelle Rieu, zyrtare e nënkomisionit për të drejtat e njeriut, zyra e së cilës u bastis dje dhe Giuseppe Meroni, gjithashtu objekt i vëmendjes së xhandarëve.
Për momentin dhe derisa të vërtetohet e kundërta, ata po paguajnë për afrimin me Panzerin, i pari për sa i përket miqësisë personale, diçka e njohur në qarqet e politikës komunitare, i dyti pasi edhe ai ishte asistenti i tij historik, përpara se të kalonte në punësimin e Pietros.
Çdo fije e kësaj intrige, konturet e së cilës janë ende të paqarta, të çon në ndërtesën në rrugën Ducale, në zemër të Brukselit, pak metra larg ambasadës amerikane.
Sepse është nga selia e tyre që ky top fije fillon të zbërthehet.
Marrë nga “Corriere Della Sera”, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com