Samsung dhe TikTok kanë njoftuar një partneritet të ri

Samsung dhe TikTok kanë njoftuar një partneritet të ri për prodhimin e muzikës dhe për të lejuar TikTokers në mbarë botën të shfaqin talentet e tyre dhe të krijojnë muzikë së bashku me artistë të njohur.

StemDrop, është aplikacioni i ri, të cilin ata e përshkruajnë si “e ardhmja e bashkëpunimit muzikor”.

StemDrop do t’u japë krijuesve të muzikës mundësi për të bashkëpunuar me kompozitorë me famë botërore.

Platforma nis zyrtarisht më 26 tetor në TikTok. Samsung dhe platforma e mediave sociale kanë bashkëpunuar me Syco Entertainment, Universal Music Group dhe Republic Records. StemDrop do të debutojë me Max Martin duke lëshuar një bashkim 60 sekondash të një kënge origjinal, të cilin TikTokers më pas mund ta përdorë për të krijuar bashkëpunime.

Samsung po shfrytëzon këtë mundësi për të promovuar Galaxy Z Flip 4. Kompania inkurajon TikTokers të përdorë veçoritë FlexCam të telefonit rrotullues për të krijuar dhe ndarë videot e tyre.

Në realitet, nuk është vetëm Galaxy Z Flip 4 që mund të ofrojë një përvojë optimale.

Samsung bëri të mundur gjithashtu një “StemDrop Mixer”, i cili do t’i lejojë përdoruesit e TikTok të të gjitha niveleve të eksperimentojnë me melodi, harmoni dhe efekte audio për të krijuar përzierje të reja dhe për t’i shpërndarë ato.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.