SHBA mposht Rusinë në një betejë për të kontrolluar të ardhmen e internetit global

SHBA fitoi një luftë për pushtet me Rusinë për të ardhmen e internetit të enjten, pasi një kandidat amerikan u zgjodh në një post kyç në OKB që mbikëqyr botën digjitale.

Gara për postin e lartë të Unionit Ndërkombëtar të Telekomunikacionit u pa nga diplomatët si një betejë midis internetit të hapur të favorizuar nga SHBA dhe qasjes së drejtuar nga censura të ndërmarra nga Rusia dhe Kina.

Votimi i së enjtes, në të cilin 139 vota shkuan për kandidaten amerikane Doreen Bogdan-Martin krahasuar me 25 për Rashid Ismailov të Rusisë, ishte gjithashtu një provë e pozitës globale të Moskës gjatë luftës në Ukrainë.

CNN raporton se Bogdan-Martin, një veterane e UNT prej afro 30 vitesh, e lindur në New Jersey, e mposhti rivalin kryesor, Rashid Ismailov, duke marrë 139 vota nga 172 të mundshme. Ismailov fitoi vetëm 25 vota. Bogdan-Martin do të jetë gruaja e parë që udhëheq me UNT.

“Ndihem e përulur dhe e nderuar për zgjedhjen si Sekretare e Përgjithshme e UNT, dhe jam e lumtur për besimin që vendet anëtare ma dhanë mua”, shkroi Bogdan-Martin në Twitter ditën e djeshme.

https://twitter.com/ITUBDTDirector/status/1575399888757604352?ref_src=twsrc%5Etfw%7Ctwcamp%5Etweetembed%7Ctwterm%5E1575399888757604352%7Ctwgr%5Ea622b50ba654e3c9d53365c0352456e2d537fd51%7Ctwcon%5Es1_&ref_url=https%3A%2F%2Ftelegrafi.com%2Fshba-te-mposhtin-rusine-ne-nje-beteje-per-kontrollin-e-internetit-global%2F

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.