![](https://albanianpost.com/wp-content/uploads/2022/02/auuuuu.jpg)
Me rritjen e shitjeve të makinave elektrike, operatorët e rrjetit të energjisë, kompanitë e karikimit dhe qeveritë janë në dilemë se si të drejtojnë miliona automjete pa përplasur rrjetet lokale ose pa shpenzuar miliarda për përmirësimet e rrjetit.
Dhe një nga zgjidhjet që serviren është karikimi inteligjent, tregon agjencia e lajmeve “Reuters”.
Software-i i karikimit inteligjent i lejon pronarët e makinave të lidhen me rrjetin elektrik gjatë orëve të pikut, pa e tërhequr energjinë e automjetit deri në orët jashtë tij.
Kjo lehtëson ngarkesën në rrjetin elektrik, përdor më mirë energjinë e rinovueshme dhe kursen paratë e shoferëve.
Pa të, miliona pronarë të makinave elektrike mund të mbingarkojnë rrjetet lokale, duke shkaktuar ndërprerje.
“Kalimi në elektrike do të jetë thuajse i pamundur pa karikim inteligjent”, ka dalluar Chris Pateman-Jones, shefi i një kompanie britanike të karikuesve elektrikë.
Për karikuesit publik, karikimi inteligjent është një sfidë e rëndësishme sepse pak janë të disponueshëm për njerëzit që nuk mund të karikojnë në shtëpi pasi parkojnë në rrugë.
Gjithashtu e ardhmja e afërt pritet të sjellë karikim të dyfishtë, ku miliona pronarë të makinave elektrike mund të shesin lëngun e baterive të tyre përsëri te operatorët e rrjetit gjatë orëve të pikut.
Edhe në Mbretërinë e Bashkuar ku karikimi inteligjent në shtëpi është gjerësisht i disponueshëm, shumë pronarë të automjeteve elektrike nuk e dinë se ekziston.
Kurse në Shtetet e Bashkuara të Amerikës, vetëm një pjesë e vogël e shërbimeve e ofrojnë atë.
Nga ana tjetër, pak makina janë të afta aktualisht për karikim dydrejtimësh.
“Shumica e makinave, në këtë pikë, nuk e mbështesin ende këtë karikim dydrejtimësh”, ka dalluar Robin Berg, shefi i një kompania që ka furnizuar qindra karikues dydrejtimësh për një projekt pilot.
Vetëdije e ulët
Në Mbretërinë e Bashkuar, disa ofrues energjie po ofrojnë tarifa të ulëta jashtë pikut për karikim inteligjent në shtëpi, por pak pronarë të automjeteve elektrike i përdorin ato.
“Perceptimi është se karikimi inteligjent në shtëpi është një punë e përfunduar”, ka thënë Charlie Cook, shefi i një firmë që ndihmon pronarët e automjeteve elektrike të gjejnë tarifa të ulëta.
“Por realiteti është se ndërgjegjësimi për këto tarifa është çuditërisht i ulët”, ka vijuar ai.
Sakaq, firma vlerëson se karikimi inteligjent mund t’u kursejë shoferëve në Mbretërinë e Bashkuar 10 miliardë paund deri në vitin 2030.
“Reuters” nxjerr në pah se karikimi i dyanshëm mund të jetë vendimtar.
“E gjithë ideja pas karikimit dydrejtimësh është të balancohet rrjeti”, ka thënë Berg.
Ndërsa Serge Colle, specialist i burimeve energjetike, ka specifikuar se karikimi inteligjent dhe i dyanshëm është më i mirë se përmirësimet “jashtëzakonisht të shtrenjta” të rrjetit të energjisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com