Një seri kartëmonedhash bashkëkohore, me dizajnë që vendosin një ekuilibër midis “inovacionit dhe traditës”.
Dy kartëmonedhat e fundit shqiptare të serisë së re, ajo 500 lekëshe dhe ajo 2 mijë lekëshe u hodhën në qarkullim më 17 janar 2022, datën kur ka lindur dhe heroi ynë kombëtar, Gjergj Kastriot Skënderbeu.
Sakaq, Banka e Shqipërisë ka theksuar se “ky evolucion dhe përmirësim” synon të krijojë një seri kartëmonedhash bashkëkohore, pasi tematika e figurave dhe momenteve të shquara kombëtare të historisë së Shqipërisë nuk mungon as në seritë e reja.
“Dizajni i tyre nuk do të ketë ndryshime thelbësore”, shpjegoi Guvernatori i Bankës së Shqipërisë, Genc Sejko, “pasi në ballinë do të jetë sërish portreti i Ismail Qemalit dhe mbretit ilir, Gent”.
Në fakt, me hedhjen e dy kartëmonedhave në qarkullim, kompletohet seria prej gjashtë pjesësh, i cili u publikua në disa faza.
200 dhe 5 mijë lekëshi ishin ndër të parat që u hodhën në tregun shqiptar më 30 shtator të vitit 2019, duke pasuar me 1 mijë dhe 10 mijë më 30 qershor 2021.
Të fundit, në kalvarin e këtyre tri viteve ishin dy prerjet: 500 dhe 2 mijë lekë.
Pse këto prerje të reja?
Vetvetiu lind pyetja se përse hidhen në qarkullim emetime të reja të kartëmonedhës, konkretisht të 2 mijë lekëshit, e cila kishte shumë pak kohë që ishte në qarkullim.
Sipas ekspertëve të fushës, kjo lind si nevojë për të forcuar elementet e sigurisë, që falsifikimi i tyre të bëhet sa më i vështirë.
Këto elemente sigurie janë në funksion të rritjes së garantimit të integritetit të monedhës shqiptare në qarkullim dhe riemetimi i tyre vjen si një proces i natyrshëm në çdo Bankë Qendrore.
Konkretisht, në 2 mijë lekëshin e ri janë përforcuar elemente e sigurisë, duke e bërë “shumë më të vështirë se prerja e vjetër falsifikimin e saj”.
Ndër të tjera, sipas ekspertëve, janë vendosur elementet më të fundit inovative që shkalla e përafrimit të jetë shumë e largët.
Sipas Bankës së Shqipërisë, gjatë këtyre viteve, shkalla e falsifikimit të kartëmonedhave ka qenë e ulët.
Përpos kësaj, duhet të qëndrojë gjithmonë një hap përpara sa i takon studimit dhe përmirësimit të elementeve të sigurisë, në mënyrë që identifikimi të jetë sa më i thjeshtë dhe falsifikimi më i vështirë.
Një element tjetër që bie në sy riemetimi i këtyre kartëmonedhave është edhe drejtshkrimi i fjalëve, sipas gramatikës së gjuhës shqipe.
Për shembull, në kartëmonedhat më përpara shkruhej “Banka e Shqiperise”, kurse te prerjet e reja kjo është korrigjuar: qartas dallohet se mbi kartëmonedhat përdoret fonema “ë” – “Banka e Shqipërisë”.
Apo numërori “NJEMIJE LEKE”, i cili shkruhet ndaras “NJË MIJË LEKË”, e me radhë në varësi të monedhës.
“As i vjetër e as i ri, jam thjesht Lek”, “boll shkaktuat konfuzion”
Banka e Shqipërisë ka ndërmarrë gjithashtu një iniciativë, me të cilën ka si qëllim edukimin financiar të publikut, për çrrënjosjen graduale të përdorimit të termave të gabuar “lek i ri” dhe “lek i vjetër”.
Sipas tij, është e gabuar që disa kategori flasin ende për “lekë të vjetra” dhe “të rinj”.
Ai deklaroi se nga një anketë ka rezultuar se për vlerën “500 lekë”, 54% e të anketuarve thonë “5 mijë”.
“Të mos e çojmë këtë mesazh të gabuar te brezi i ri. Ta lëmë pas përgjithmonë terminologjinë e gabuar”, përmbylli Guvernatori.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Policia ngre alarmin për disa “mesazhe mashtruese” që vjedhin llogaritë e mediave sociale
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Gonzato thotë se korrupsioni mbetet ndër tre shqetësimet themelore për rininë shqiptare
-
Shqipëria dhe Kosova kanë numrin më të lartë të azilkërkuesve në vendet e BE-së
Lajmet kryesore
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Shqipëria dhe Kosova kanë numrin më të lartë të azilkërkuesve në vendet e BE-së
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel