Musk: Mungesa globale e çipave nuk do të zgjasë për shumë gjatë

Elon Musk, shefi ekzekutiv i kompanisë Tesla, ka njoftuar se falë impianteve të reja gjysmëpërçuese që janë planifikuar ose që janë në ndërtim, mungesa globale e çipave që ka goditur industrinë e makinave këtë vit mund të jetë afatshkurtër.

Agjencia e lajmeve, “Reuters”, tregon se ai, i pyetur se sa kohë mendonte se mungesa globale e çipave do të ndikonte në prodhimin e automjeteve, ka thënë se “mendoj për një afat të shkurtër”.

“Ka shumë fabrika të fabrikimit të çipave që po ndërtohen”, ka treguar Musk gjatë një sesioni të përbashkët me Stellantis dhe kreun e Ferrari-t, John Elkann, në Javën Italiane të Teknologjisë.

Ai ka shtuar se “unë mendoj se ne do të kemi kapacitet të mirë për të siguruar çipa gjysmëpërçues deri në vitin e ardhshëm”.

Dy drejtuesit e industrisë së automjeteve ranë dakord për mbështetjen e mundshme që vjen nga energjia bërthamore për të mbuluar rritjen e nevojave globale të energjisë.

“Unë jam i befasuar nga një lëvizje e fundit e disa vendeve nga energjia bërthamore, e cila është e sigurt”, është shprehur Musk.

Mirëpo, në dialogun e tyre ata shmangën referimin e çështjeve të konkurrencës midis drejtuesve kryesorë të lëvizshmërisë elektrike, si Tesla dhe prodhuesit e automobilave të vjetër, të cilët tani investojnë shumë për të zgjeruar ofertën e tyre të automjeteve të elektrizuara.

Megjithatë Musk e ka falënderuar Elkann për mbështetjen që Tesla mori midis viteve 2017 dhe 2019 nga Comau, njësia robot e Fiat Chrysler, tani pjesë e Stellantis.

Kjo gjatë asaj që ai e quajti “një nga periudhat më të dhimbshme” për kompaninë e tij, e lidhur me fillimin e prodhimit të Model 3.

“John më ndihmoi shumë në atë periudhë”, ka dalluar Musk, duke shtuar se Tesla ishte afër falimentimit asokohe.

Carlos Tavares, shefi ekzekutiv i Stellantis, ka thënë se grupi, i formuar përmes bashkimit të Fiat Chrysler dhe PSA të Francës, pritet të arrijë objektivat evropiane të emetimit të dioksidit të karbonit këtë vit pa kredi nga Tesla.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.