Tre vatra të mëdha zjarri janë shuar plotësisht në Shqipëri, ndërsa helikopterët holandezë vijojnë betejën me flakët për t’i dhënë fund “ferrit” në gadishullin e Karaburunit.
Vatrat në Dukat dhe Gjirin e Gramës kanë qenë ndër të parat e shuara gjatë punës në ditën e 12-të të luftës me flakët. Një vatër tjetër me shumë rëndësi, po e shuar, është ajo e pikës kufitare Rips në fshatin Livadhja, ku është shmangur edhe rreziku i cenimit të banesave.
Një vatër e re është raportuar ndërkohë në Kepin e Rodonit në Durrës. Puna po vijon edhe aty tashmë për vënien e saj në kontroll.
Në Bashkinë e Librazhdit ka një vatër të re në malin e Xhyrës, ku një sipërfaqe me shkurre e ferra po digjet. Në Thirrë, vatra është zgjeruar duke shkaktuar një sasi të lartë tymi në gjithë pjesën kodrinore.
I izoluar nga ana tjetër, është zjarri në fshatin Munellë-Domgjon. Maja e Rrunës në Kukës, vijon të jetë ndër më problematiket. Kjo, edhe për shkak të terrenit të vështirë. Zonat e banuara mbeten të rrezikuara, por autoritetet po punojnë që të mos i lejojnë flakët të shkojnë pranë shtëpive.
Nën kontroll mbeten edhe fshatrat Klysyrë dhe Vermoshi.
Asnjë rajon i Shqipërisë nuk është kursyer nga vatrat e zjarreve verën e vitit 2021. Dëmet më të mëdha janë shkaktuar në zonën jugore. Gjithsesi, vatra zjarresh të mëdha ka pasur edhe në Shqipërinë e Mesme dhe atë Veriore.
Puna vijon me disa helikopterë, ku më të rëndësishmit janë dy holandezët që po punojnë në Karaburun.
Është evituar deri në këto çaste edhe kalimi i flakëve në Llogara, duke shmangur një katastrofë të mundshme pyjore në zonën e parkut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mazhoranca miraton projektligjin për punën e detyruar të studentëve të mjekësisë
-
Seanca plenare nis me 1 minutë heshtje në nderim të ish-deputetit Gerti Bogdani
-
Dorëhiqet anëtarja e Gjykatës Kushtetuese, Elsa Toska
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
Lajmet kryesore
-
Dumani me Prokurorin e Përgjithshëm të Zvicrës: Strategji kundër krimit të organizuar dhe korrupsionit
-
Dorëhiqet anëtarja e Gjykatës Kushtetuese, Elsa Toska
-
Mossad mashtroi dhe befasoi Hezbollahun duke hedhur në erë pagerët
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke