Kompania kompjuterike, IBM, ka deklaruar se ka arritur një përparim të rëndësishëm te procesorët kompjuterikë duke krijuar në laboratorin e saj të provës një çip prej dy nanometra.
Agjencia e lajmeve, BBC, tregon se procesi i përdorur për të krijuar çipa kompjuterikë matet me nanometra, një numër më i ulët se zakonisht, çka tregon një hap përpara.
Në pretendimet e kompanisë, çipi i saj i provës mund të përmirësojë performancën me 45 për qind ndaj produkteve aktuale prej shtatë nanometrash që janë të disponueshme deri më tani në treg.
Efikasiteti i çipit sipas IBM-së është edhe te energjia pasi përdor 75 për qind më pak energji për të përputhur performancën aktuale.
Sipas kompanisë, pretendohet gjithashtu se teknologjia mund të “katërfishojë” jetëgjatësinë e baterisë se telefonit celular dhe kjo do të bëjë që telefonat të kenë nevojë të karikohen vetëm çdo katër ditë.
Lidhur me termin nanometër, më parë ai përdorej nga industria e çipave kompjuterikë si matës i madhësisë fizike të transistorëve, por aktualisht konsiderohet si një term marketingu që përshkruan gjeneratat e reja të teknologjisë që çojnë në performancë më të mirë dhe fuqi më të ulët.
Në vitin 2017, IBM-ja prezantoi përparimin e saj prej pesë nonametrash, i cili mundte të mbushë 30 miliardë transistorë ndërsa dy nanometërshi i ri arrin të mbushë 50 miliardë të tillë.
Pritet që rezultati përfundimtar të jetë një tjetër përplasje e performancës për kompjuterët e viteve të ardhshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
OKB: Fondi global i AI nevojitet për të ndihmuar vendet në zhvillim të përfitojnë nga teknologjia
-
Cili është qëllimi i të blerit telefonin inteligjent më të fundit?
-
Nga iPhone i parë në iPhone 16 – Si ka ndryshuar telefoni inteligjent që ndryshoi botën?
-
Paralajmërimi i Einstein në vitin 1930: Mos e përdorni teknologjinë nëse nuk e kuptoni