Ditën e sotme, Muzeu Historik Kombëtar, nëpërmjet një postimi në Facebook, ka përkujtuar 7 Prillin 1939, kur Shqipëria u sulmua nga Italia Fashiste.
Në atë kohë, trupat e Mussolinit, të drejtuara nga gjeneral Alfredo Guzzoni sulmuan gjitha portet e Shqipërisë njëkohësisht.
Anijet u ndanë në katër grupe dhe zbarkuan në Vlorë, Durrës, Shëngjin dhe Sarandë.
Në Durrës, një forcë prej 500 shqiptarëve, xhandarëve dhe vullnetarëve, e udhëhequr nga Abaz Kupi, komandanti i xhandarmërisë së Durrësit, dhe Mujo Ulqinaku, u rezistuan forcave italiane.
Të armatosur me armë të lehta dhe tre mitraloza, mbrojtësit rezistuan disa orë.
Pas zbarkimit të një numri të madh të tankeve nga anijet, rezistenca u thye dhe brenda pesë orëve, italianët morën qytetin.
Kur mëngjesin e 7 prillit 1939 filloi agresioni ushtarak italian kundër Shqipërisë, Zogu nuk i shpalli gjendjen e luftës Italisë dhe kjo qe “vetëvrasje politike”, e cila dëmtoi jo vetëm atë, por gjithë Shqipërinë.
Kjo çoi në trajtimin e Zogut në Perëndim si emigrant i zakonshëm dhe jo si kryetar i një shteti demokratik.
Pasi grabiti arkën e financës shtetërore, ai u largua nga Shqipëria pa bërë asnjë deklaratë dhe sapo kaloi kufirin e shpërndau qeverinë duke e lënë Shqipërinë pa qeveri antifashist.
Me të dëgjuar këtë lajm, një masë e zemëruar njerëzish sulmoi burgjet, liroi të burgosurit dhe plaçkiti rezidencën e Zogut.
Në orën 13:30 të 7 prillit, të gjitha portet shqiptare ishin në duart e pushtimit italian.
Në orën 9:30 të ditës tjetër, trupat italiane hynë në Tiranë dhe morën gjitha ndërtesat qeveritare. Kolonat e ushtarëve italianë marshuan drejt Shkodrës, Fierit dhe Elbasanit.
Shkodra u dorëzua në mbrëmje pas 12 orëve luftime. Gjatë sulmit italian në Shkodër, turma sulmoi burgjet dhe liroi 200 të burgosur.
Arratisja e Zogut krijoi në Shqipëri vakum institucional, i cili i dha mundësi Benito Musolinit për të manipuluar statusin politik të Shqipërisë sipas interesave të Italisë fashiste.
Më 12 prill, një Asamble Kombëtare e përbërë nga kolaboracionistë të rekrutuar nga qarqet monarkiste zogiste dhe qarqet antizogistë në emigracion, shpalli se në Shqipëri nuk kishte ndodhur okupacion ushtarak, por vetëm ndërrim i kreut të shtetit.
Shqipëria, si gjithë vendet e tjera, do kalonte nga kalvari i Luftës Botërore, por kundërshtia ndaj pushtimit në ditët e para, do ta radhiste Aleancën e Madhe Antifashiste një nga vlerat më të pamohueshme në historinë tonë moderne.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nga Petrovci te Safqiu – aktorët shqiptarë që morën pjesë në filma propagandues serb
-
Kënga e re e Ariana Grande-s, “shuplakë” për ish gruan e të dashurit të saj Ethan Slater
-
Fashizmi ka ndryshuar, por nuk ka vdekur
-
Jack Antonoff nuk pranon të zbulojë nëse është duke punuar në albumin e ardhshëm të Taylor Swift-it
Lajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Beleri dhe Goro në burg – Blerina Bala komandohet drejtuese e re e bashkisë Himarë
-
Ekspozimi: Politikanët evropianë të së djathtës në listën e pagave të Putinit
-
Raportohet se BE po përgatit pozitë të re për Lajçak-un