Sipas avokatëve mbrojtës dhe agjencisë shtetërore të lajmeve, një gjykatë algjeriane ka dënuar me vdekje 49 persona për vrasjen brutale të një piktori.
Vrasja në vitin 2021 në rajonin Kabyle të Algjerisë verilindore tronditi vendin pasi imazhet grafike të saj u shpërndanë në mediat sociale.
38 të tjerë u dënuan nga dy deri në 12 vjet burg.
Ngjarja
Ndërsa zjarret shpërthyen në gusht 2021, piktori Ben Ismail shkroi në Twitter se ai do të shkonte në rajonin e Kabyle, 320 km nga shtëpia e tij, për t’u “dhënë dorë miqve tanë” për të luftuar zjarret.
Pas mbërritjes së tij në Larbaa Nath Irathen, një fshat i goditur rëndë nga zjarret, disa banorë vendas e akuzuan atë si zjarrvënës, me sa duket sepse nuk ishte nga zona.
Ben Ismail, 38 vjeç, u vra jashtë një stacioni policie në një shesh kryesor të qytetit.
Policia tha se ai u tërhoq zvarrë nga stacioni ku po mbrohej dhe u sulmua.
Në mesin e atyre që po gjykoheshin ishin tre gra dhe një burrë që goditën me thikë trupin e pajetë të viktimës para se të digjej.
Policia tha se fotot e postuara në internet i ndihmuan ata të identifikonin të dyshuarit. Familja e tij e shqetësuar pyeti pse ata që po filmonin nuk e shpëtuan atë.
Gjyqi kishte edhe ngjyrime politike.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Meta-Kryemadhi përballen kokë më kokë, për ‘familjen’ dhe partinë
-
Euronews Green: Shqipëria prodhon 100 % energji nga burime të rinovueshme
-
Sulm i dyshuar izraelit ndaj Iranit, SHBA mohon përfshirjen
-
Maqedonci: Situata është e qetë – jemi të përgatitur dhe të trajnuar për ta mbrojtur territorin tonë
