36-vjeçari shqiptar qëllon me armë ish-të dashurën, vëllain e saj dhe një person tjetër në Athinë

Pasditen e sotme të 4 prillit, ka ndodhur një ngjarje e rëndë në kryeqytetin grek, Athinë.

Referuar mediave greke, atje një 36-vjeçar shqiptar ka qëlluar me pistoletë tre persona në një makinë.

Mësohet se ngjarja ka ndodhur në zonën Paleo Faliro, ku personi është afruar në një automjet të parkuar në rrugën Nazliu dhe ka qëlluar me pistoletë ish-të dashurën 27 vjeçe, vëllain e saj 20 vjeç dhe shokun e saj 30 vjeç.

Ata mësohet se kanë plagë të rënda dhe po luftojnë për jetën.

Edhe tre të plagosurit janë po ashtu nga Shqipëria.

Sakaq, pas ngjarjes, 36-vjeçari është larguar në drejtim të panjohur teksa është shpallur në kërkim nga policia greke.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.