Një humbje jete është regjistruar gjatë 24 orëve të fundit nga COVID-19 në Shqipëri, ndërsa kanë rezultuar pozitivë 27 raste të reja.
Që prej fillimit të muajit mars rastet dhe humbjet e jetës nga coronavirus-i kanë parë rënie.
Sipas njoftimit nga Ministria e Shëndetësisë, 38 pacientë janë shëruar. Ndërsa, të shtruarit në spitale janë 14, nga të cilët një është në gjendje të rënduar.
Sakaq, nga 804 testime, kanë rezultuar 15 raste aktive në Tiranë, tre në Gramsh, dy në Fier, Delvinë, Gjirokastër, një në Kukës, Lushnje, Berat.
Në total, janë në gjithë Shqipërinë 504 raste aktive. Vdekjet nga pandemia janë 3 mijë e 492, që prej fillimit, dy vjet më parë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
