Pajisje

24 vjet nga humbja e Kasparovit kundër superkompjuterit Deep Blue


Sot, 24 vjet më parë, superkompjuteri i IBM-s i quajtur Deep Blue mundi gjeniun dhe kampionin e shahut Garry Kasparov, në raunding e dytë të lojës të mbajtur në 11 maj 1997.

Në fund të lojës Kasparovi u zgjati dorën bordit dhe shkencëtarit të IBM-s Feng-Hsiung Hsu, i cili shërbeu edhe si lëvizës i figurave të shahut nën komandën e Deep Blue-s. Ai doli jashtë, dhe nuk dha asnjë prononcim për gazetarët, i shkatërruar emocionalisht.

Fitorja e superkompjuterit Deep Blue kundër Kasparovit, ishte dëshmia më e qartë se inteligjenca artificiale ishte zvhilluar jo vetëm në nivel të njëjtë me atë njerëzor, por në fakt e kishte tejkaluar atë. Kjo betejë e konfirmoi rënien e dominimit të inteligjencës njerëzore.

Superkompjuteri dhe Kasparovi u ballafaquan dy herë. Loja e parë ishte në 1996, ku Deep Blue për herë të parë u bë makineria që fitoi një lojë shahu kundër një kampioni, në rrregulla të standardit kohor të lojës. Sidoqoftë, menjëherë pas kësaj, tre raundet e tjera i fitoi Kasparovi, dhe nxori dy barazime.

Pas lojës së 1996-ës, Deep Blue si projekt superkompjuterik u avansua dhe u zhvillua edhe më tej, deri kur në vitin 1997 në Maj u zvhillua loja e dytë. Kjo lojë u konkludua më 11 Maj, me humbje dëshpëruese të Kasparovit, gjë që u shënua si dita kur njeriu e humbi luftën me makinën, ose inteligjenca njerëzore me atë artificiale.

Kasparovi i pati akuzuar IBM-në për ndërhyrje njerëzore në lojë, pasi mendonte se superkompjuteri Deep Blue kishte treguar shenja kreativiteti njerëzor në lojë, një gjë që kompjuterët duke qenë të programuar me algoritmat e tyre, nuk mund ta kenë.

IBM i refuzoi të gjitha këto akuza, duke thënë se të vetmet ndërhyrje njerëzore kanë qenë ato të urdhëruara nga kompjuteri për ti lëvizuar figurat e shahut.

Kasparovi kërkoi të përsëritej prap loja mes tij dhe Deep Blue-s, por IBM e refuzoi.

Inxhinierët e IBM-s besonin se efektiviteti i inteligjencës artificiale mund të matej më mirë nëse atë e ballafaqojnë me një kampion botëror të shahut, një gjë që do të ishte tregues i qartë i progresit që është bërë në këtë fushë.

Kasparovi e pati quajtur Deep Blue-n si ‘armik alien’ i tij.

/Albanianpost.com

Lajmet kryesore