2 vjetori i agresionit rus në Ukrainë, Hovenier: Sfidë për paqen dhe sigurinë ndërkombëtare

Ambasadori i Shteteve të Bashkuara të Amerikës në Kosovë, Jeffrey Hovenier, përmes një postimi në platformën sociale, X, ka potencuar se SHBA-të nuk mund dhe nuk do të pranojnë agresionin e Rusisë.

Në dyvjetorin e invazionit rus në Ukrainë, diplomati amerikan ka potencuar se kjo është sfida themelore dhe e papranueshme për paqen dhe sigurinë ndërkombëtare.

“Dy vjet pasi Rusia filloi pushtimin e saj brutal dhe në shkallë të plotë të Ukrainës, ne riafirmojmë angazhimin tonë si partnerë ndërkombëtarë për të mbështetur Ukrainën në luftën e saj për të mbrojtur popullin dhe territorin e saj, demokracinë dhe vlerat e saj”.

We cannot and will not accept Russia's aggression: it is a fundamental and unacceptable challenge to international peace and security.  Two years after Russia began its brutal, full-scale invasion of Ukraine, we reaffirm our commitment as international partners to support Ukraine… pic.twitter.com/wYsIj9KsOn

— Ambassador Jeff Hovenier (@USAmbKosovo) February 24, 2024

Edhe presidentja e Kosovës, Vjosa Osmani, përmes një postimi në platformën sociale, X, ka shprehur mbështetjen e Kosovës ndaj Ukrainës.

Sipas saj Kosova e di shumë mirë “se si është të paguash çmimin më të lartë për lirinë”.

“Ne e dimë dhimbjen e humbjes së fëmijëve të pafajshëm; të dhunës seksuale gjatë luftës; e varreve masive me eshtrat e njerëzve tanë të dashur. Por, liria fitoi. Dhe do të mbizotërojë përsëri!”, ka shkruar ajo.

We #StandWithUkraine because we know what it’s like to pay the highest price for freedom.

We know the pain of losing innocent children; of wartime sexual violence; of massive graves with remains of our loved ones.

But freedom prevailed

And it’ll prevail again!

Slava Ukraini! https://t.co/NYsNeFu5u4

— Vjosa Osmani (@VjosaOsmaniPRKS) February 24, 2024

Kanë kaluar dy vite që nga fillimi i luftës në Ukrainë. Konflikti që në fillimet e tij nuk shkoi sipas planit që Putin kishte në mendje. Përkundrazi Kremlini pësoi humbje të mëdha pa qenë në gjendje të mposhtte ukrainasit.

Ideja fillestare e Moskës ishte të kryente një ndërhyrje ushtarake të shkurtër duke i dhënë një goditje ushtrisë së Kievit, gjë që do të demoralizonte vullnetin e saj për të rezistuar.

Ishte pothuajse e sigurt që amerikanët shumë shpejt do të fillonin dërgesat e armëve, por Putin nuk e kishte menduar që Perëndimi do të ishte bashkuar i gjithi kompakt në mbështetje të plotë të Ukrainës dhe se kjo mund të kishte shkaktuar një konflikt të zgjatur.

Ndërsa Rusia ishte përballë një lufte agresioni, Ukraina ishte në mbrojtje të vendit ndaj dhe morali i saj në vitin e parë qe tejet i lartë. Misioni ishte mbrojtja e territorit dhe shtyrja e rusëve përtej kufijve.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.