Këngëtari Yll Limani ka lansuar këngën e tij më të re në bashkëpunim me Cricket.
Kënga titullohet “Pray” dhe mban vulën e Cricket Music.
Kjo është kënga e dytë e Yllit për muajin shkurt, pasi që vetëm para pak ditësh (5), po ashtu në bashkëpunim me Cricket, ata publikuan këngën “Ndoshta”.
Në të dyja projektet e fundit, Ylli ka zgjedhur të mos shfaqet në video klipet e tyre, duke i publikuar ato vetëm me protagonist të cilët iu përshtaten teksteve të këngëve.
Për dallim nga këngët e tjera të cilat jemi mësuar t’i dëgjojmë nga Ylli, kënga “Pray” që në shqip do të thotë “Lutu”, është e tëra në gjuhën angleze.
Ky është projekti i tretë nga Yll Limani për vitin 2021. Ai vitin e nisi me këngën “Kur t’kujtohet”.
Ndërsa vitin që lamë pas, Limani e përmbylli me një super bashkëpunim.
Ai ishte mysafir në këngën “Mos shko” të Dafina Zeqirit.
Kjo këngë e publikuar në fund të dhjetorit të vitit të kaluar, ka grumbulluar mbi gjashtë milionë klikime në YouTube.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
