18 mijë armë për rezervistët ukrainas vetëm për në Kiev

Rreth 18 mijë armë municion u janë shpërndarë ushtarëve ukrainas vetëm në rajonin e Kievit që nga fillimi i pushtimit rus të enjten herët, sipas autoriteteve ukrainase.

Në një deklaratë të përbashkët, ministri i Mbrojtjes, Oleksiy Reznikov, dhe shefi i shtabit të Forcave të Armatosura, Valeriy Zaluzhniy, thanë se do të pajisen me më shumë armë.

“Së shpejti do të marrim mbështetje shtesë me armë moderne dhe burime të tjera nga partnerët tanë”, deklaruan ata.

Presidenti ukrainas, Volodymyr Zelensky, urdhëroi dje mobilizim të përgjithshëm ushtarak.

Zelensky tha se “për të garantuar mbrojtjen e shtetit, për të ruajtur gatishmërinë luftarake dhe mobilizuese të Forcave të Armatosura të Ukrainës dhe formacioneve të tjera ushtarake”, u urdhërua një mobilizim me bazë të gjerë, duke përfshirë në kryeqytet, Kiev, dhe në të gjitha qytetet kryesore të Ukrainës.

Kjo përfshinte ndalimin e daljes nga vendi të të gjithë shtetasve meshkuj nga 18 deri në 60 vjeç, sipas Shërbimit Shtetëror të Rojës Kufitare.

Mobilizimi udhëzoi gjithashtu “rekrutimin e rekrutëve, rezervistëve për shërbimin ushtarak, dërgimin e tyre në njësitë ushtarake dhe institucionet e Forcave të Armatosura të Ukrainës”, si dhe shërbime të tjera të sigurisë shtetërore.

Për të lexuar zhvillimet e plota kliko KËTU

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.