Pas përfundimit të xhiros së dytë të fazës së grupeve në Ligën e Kampionëve, faqja zyrtare e UEFA-s, ka zgjedhur formacionin më të mirë të kësaj jave i cili përbëhet me skemën 3-5-2.
Në portë gjendet portieri i skuadrës Sheriff Tiraspol, Georgios Athanasiadis, i cili ishte një nga meritorët kryesorë në ndeshjen që ekipi i tij bëri surprizën, duke fituar në udhëtim te Real Madrid-i.
Treshja e mbrojtjes përbëhet nga futbollisti i Inter-it, Milan Skrinjar, i cili pati paraqitje shumë të mirë në ndeshjen ndaj Shakhtar Donetsk, si dhe dyshja e Zenit-t, Yaroslav Rakitsky dhe Douglas Santos që ishin të pakalueshëm në takimin ndaj Malmo-s.
The big hitters on Matchday 2 🔥
Who was your best pick?#UCTOTW | @PlayStationEU | #UCL
— UEFA Champions League (@ChampionsLeague) September 30, 2021
Mesfusha përbëhet nga pesë futbollistë. Njëri prej tyre është mesfushori i Club Brugge, Hans Vanaken, i cili ka impresionuar me dy paraqitjet e para në Ligën e Kampionëve.
Ai sërish gjeti rrugën e rrjetës, madje edhe asistoi në golin e dytë, që skuadra e tij bëri surprizën duke mposhtur në udhëtim gjermanët e Leipzig.
Kujtojmë që Vanaken gjithashtu shënoi edhe në ndeshjen e kaluar që Club Brugge barazoi përballë PSG-së.
Katër mesfushorët tjerë më të mirë të javës janë: Moohamed Salah, Federico Chiesa, Leroy Sane dhe Idrissa Gueye.
🥇 Sheriff hero Giorgos Athanasiadis crowned #UCL Player of the Week 👏👏👏#UCLPOTW | @PlayStationEU pic.twitter.com/p34AdKYCSX
— UEFA Champions League (@ChampionsLeague) September 30, 2021
Mohamed Salah pati paraqitje shumë të mirë përballë Porto-s, ku realizoi dy gola në fitoren e Liverpool-it 1:5.
Federico Chiesa shënoi golin e vetëm që Juventus e fitoi përballë Chelsea-t.
Leroy Sane shënoi një gol që vërtetë rrallë mund të shihet, si dhe asistoi te tjetri, në fitoren 5:0 të Bayern Munich ndaj Dinamo Kyiev.
Ndërsa, mesfushori i Paris Sain Germain, Idrissa Gueye, përsëri ishte njëri ndër meritorët kryesorë që skuadra e tij e fitoi ndaj Manchester City-t me shifrat 2:0.
Dyshja e sulmit përbëhet nga talenti 19-vjeçar i Salzburg-ut, Karim Adeyemi, i cili realizoi dy gola në fitoren 2:1 të ekipit të tij ndaj Lille dhe sulmuesi i Benfica-s, Darwin Nunez i cili i shënoi dy gola Barcelonës në fitoren 3:0.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Komisioni Hetimor për Shëndetësinë pa dakordësi, mazhoranca paralajmëron sërish bojkot
-
Gjykata rrëzon kërkesën e Bardhit për të çregjistruar Bashën si kryetar i PD-së
-
Orë vendimtare për armëpushimin dhe pengjet, gjithçka varet nga Hamasi
-
Kurti në BBC: Kosova s’e lejon dinarin e Millosheviçit – Serbia deshi të provokojë luftë në Banjë
