VV bojkotoi seancën për Policinë, Tahiri: Hera parë në histori që iu ndalet rrezikshmëria policëve – të vetmit që po rrezikojnë jetën
Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, në fjalën e tij në Kuvendin e Kosovës, ka thënë se s’ka ndodhur “në historinë e këtij shteti që qeveria t’ia ndalë rrezikshmërinë policëve të Kosovës”.
Dhe kjo po ndodhë, theksoi Tahiri, “duke e ditur se është i vetmi korpus i zyrtarëve publik të cilët janë duke rrezikuar jetën sot”.
“Pra, s’jemi as deputetët, as ministrat, as kryeministri… që po rrezikojmë jetën, janë vetëm policët e Kosovës”, theksoi Tahiri.
Tutje, deputeti i AAK-së pohoi se policëve “ju takon me ligj rrezikshmëria, ka kaluar ligji”. “Nuk do të duhej që ne të diskutonim, sepse kjo është diçka që u takon”.
“Do të duhej që të diskutonim për sigurimin shëndetësor të policëve, pra për një të drejtë që u takon 9800 policëve…”, shtoi.
Tahiri pohoi se AAK-ja si grup parlamentar, por edhe opozita në përgjithësi, “nuk do të ndalemi dhe nuk do të zmbrapsemi prej kryeministrit [Albin] Kurti”, i cili, sipas tij, “mendon se duke mos u përgjigjur në pyetje parlamentare, mundohet të mashtrojë një popull, mundet t’i mashtrojë votuesit e vetë, por jo popullin”.
“Është ky kryeministër, që me urdhër të tij, nuk e lejon krijimin e Komisionit Hetimor për rezervat shtetërore, ku është vjedhur në miell, në sheqer”, potencoi.
Ndryshe, pak para fillimit Grupi Parlamentar i Lëvizjes Vetëvendosje njoftoi se nuk do të marrë pjesë në seancë e jashtëzakonshme të Kuvendit të Kosovë në të cilën do të shqyrtohej propozim-rezoluta për mbështetjen urgjente financiare të Policisë së Kosovës.
Këtë e bëri të ditur Shefja e Grupit Parlamentar të Lëvizjes Vetëvendosje në një konferencë të jashtëzakonshme për media, pak para fillimit të seancës së jashtëzakonshme e thirrur nga Partia Demokratike e Kosovës për të enjten.
“Që nga java e kaluar PDK ka tentuar që të ndryshojë rendin e ditës në seancë për të futur një pikë të cilën ata nuk e kanë pasur të dorëzuar ende me shkrim që ka të bëjë me një rezolutë për kushtet dhe legjislacionit të cilët ata i konsiderojnë tash të nevojshme për t’u kaluar për Policinë e Kosovës”, tha fillimisht ajo.
Tendenca dhe qëllimi i PDK-së dhe e Aleancës për Ardhmërinë e Kosovës, sipas Kusari – Lila, nuk ka të bëjë me gjendjen apo statusin e Policisë së Kosovës, por ka të bëjë vetëm me arsyetimin dhe argumentimin e tyre se “kinse Qeveria nuk është e angazhuar sa duhet”.
“Synimi i tyre i vetëm është pushteti dhe jo interesi i shtetit”, shtoi ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
-
Haradinaj: Kurti me politikën e tij të “showbiz”-it e bëri Serbinë partner më serioz të aleatët tanë
-
“A jemi edhe ne në Kosovë”, një qytetari shqiptar nga Veriu i shkon fatura e rrymës në cirilikë
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi