Shefi i Grupit Parlamentar të Partisë Demokratike të Kosovës (PDK), ka thënë se “është e papranueshme” mospjesëmarrja e Lëvizjes Vetëvendosje në seancë e jashtëzakonshme të Kuvendit të Kosovë në të cilën do të shqyrtohej propozim-rezoluta për mbështetjen urgjente financiare të Policisë së Kosovës.
“Është e papranueshme mospjesëmarrja dhe ikja nga përgjegjësia e kësaj mazhorance. Pra, janë 50 për qind që i kanë votuar qytetarët e Kosovës, e ju e shihni sallën e kuvendit sot [pa pjesëmarrjen e shumicës]. Këta përfaqësues të 50 për qindëshit, i ikin pjesëmarrjes në këtë seancë, i ikin mbështetjes që duhet t’ia japin Policisë së Kosovës”, tha Tahiri.
Ne, pohoi ai, si deputetë të opozitës “nuk heqim dorë”.
Ndryshe, pak para fillimit Grupi Parlamentar i Lëvizjes Vetëvendosje njoftoi se nuk do të marrë pjesë në seancë e jashtëzakonshme të Kuvendit të Kosovë në të cilën do të shqyrtohej propozim-rezoluta për mbështetjen urgjente financiare të Policisë së Kosovës.
Këtë e bëri të ditur Shefja e Grupit Parlamentar të Lëvizjes Vetëvendosje në një konferencë të jashtëzakonshme për media, pak para fillimit të seancës së jashtëzakonshme e thirrur nga Partia Demokratike e Kosovës për të enjten.
“Që nga java e kaluar PDK ka tentuar që të ndryshojë rendin e ditës në seancë për të futur një pikë të cilën ata nuk e kanë pasur të dorëzuar ende me shkrim që ka të bëjë me një rezolutë për kushtet dhe legjislacionit të cilët ata i konsiderojnë tash të nevojshme për t’u kaluar për Policinë e Kosovës”, tha fillimisht ajo.
Tendenca dhe qëllimi i PDK-së dhe e Aleancës për Ardhmërinë e Kosovës, sipas Kusari – Lila, nuk ka të bëjë me gjendjen apo statusin e Policisë së Kosovës, por ka të bëjë vetëm me arsyetimin dhe argumentimin e tyre se “kinse Qeveria nuk është e angazhuar sa duhet”.
“Synimi i tyre i vetëm është pushteti dhe jo interesi i shtetit”, shtoi ajo.
https://albanianpost.com/bojkotimi-i-vv-se-per-seancen-e-jashtezakonshme-per-policine-e-kosoves-tahiri-e-papranueshme/
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maliqi: Serbia marrëveshje me ShBA-në, BE-në e Francën, Kosova ka mbetur në nivelin e Krahinës Autonome Socialiste
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
-
Haradinaj: Kurti me politikën e tij të “showbiz”-it e bëri Serbinë partner më serioz të aleatët tanë
-
“A jemi edhe ne në Kosovë”, një qytetari shqiptar nga Veriu i shkon fatura e rrymës në cirilikë
Lajmet kryesore
-
Amerika nënshkruan marrëveshje miliardëshe me Serbinë në fushën e energjisë
-
Anëtarësimi në SEPA, Sejko: Po punojmë me ekspertët e Bankës Botërore
-
Zbulohet lufta në hije e Rusisë kundër Izraelit: Nxit pakënaqësinë arabe, tensionon marrëdhëniet me jashtë
-
Haradinaj: Osmani i kërkoi Biden-it që Kosova ta propozojë draft-statutin e Asociacionit, Kurti e pengoi
