Sinisha Vukoviç, ligjërues në “John Hopkins University” dhe njohës i çështjeve politike në Ballkanin Perëndimor, ka konsideruar se në Shtetet e Bashkura të Amerikës (SHBA) dhe në Bashkimin Evropian (BE), shumë diplomatë e politikanë e kanë kuptuar tashmë se strategjia e bashkësisë së organizuar ndërkombëtare në dialogun Kosovë-Serbi të ndërmjetësuar nga BE-ja nuk po jep rezultate.
Vukoviç, në një intervistë për të përditshmen malazeze “Pobjeda”, derisa ka komentuar tensionet e fundit në pjesën veriore të Kosovës të banuar me shumicë serbe, çështjen e masave ndëshkuese ndaj Kosovës dhe procesin e dialogut ndërmjet Prishtinës dhe Beogradit, ka vlerësuar se bashkësia e organizuar ndërkombëtare, posaçërisht SHBA-të, aktualisht janë duke e favorizuar në mënyrë disproporcionale Serbinë.
Studiuesi i marrëdhënieve ndërkombëtare në Uashington ndër të tjera ka thënë se me qasjen e tij refuzuese, kryeministri i Kosovës Albin Kurti po dërgon një sinjal se dëshiron t’i jap fund, siç ka thënë, praktikës dhjetëvjeçare që e ka mbajtur Kosovën në pozitë më të dobët në dialog, ndërsa ka shtuar se presionit ndaj tij dhe Kosovës për të pranuar një “marrëveshje të keqe” siç është ajo për Asociacionin e Komunave me shumicë serbe duhet t’i jepet fund.
“Deri në ardhjen e Kurtit, autoritetet në Kosovë e kanë perceptuar një lloj urgjence për të arritur një zgjidhje sa më të shpejtë me Serbinë, e cila ka rezultuar me formulime të ngathëta dhe të paqëndrueshme siç është Asociacioni i Komunave me shumicë serbe. Improvizime të tilla krijuan një valë pakënaqësie me të cilën Kurti erdhi në pushtet dhe ai tani e kupton se është pothuajse kundërproduktive për Kosovën të mbajë atë qasje se çdo marrëveshje është e mirë”.
“Me qëndrimin e tij se mungesa e marrëveshjes është më mirë se një marrëveshje e keqe, ai në fakt po dërgon një sinjal se dëshiron t’i japë fund praktikës dhjetëvjeçare që e ka mbajtur Kosovën në një pozitë më të dobët në negociata. Në situata të tilla asimetrike, ku Kosova është ende në një pozitë të varur në krahasim me Serbinë, gjëja e fundit që duhet të bëjë një ndërmjetës është të shtojë presionin ndaj palës më të dobët”, ka thënë Vukoviç.
Ai ka shprehur optimizmin se letra e dhjëtëra ligjvënësve të lartë evropiano-amerikanë për marrëdhënie me jashtë drejtuar bashkësisë së organizuar ndërkombëtare, t’i shtyjnë vendimmarrësit të rishqyrtojnë strategjinë, pra që sekuencimi i lëvizjeve të rishikohet dhe të krijohet një strategji më e qartë me të cilën, sipas tij, mund të përdoret për të arritur qëllimin e synuar sa i përket rrjedhës së marrëdhënieve Kosovë-Serbi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ushtarët britanikë realizojnë ushtrimin për “gatishmëri për përballje me të gjithë skenarët”
-
Osmani: Beogradit s’i vjen keq për krimet e luftës, krenohet me trashëgiminë e Millosheviçit
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke
-
Një vit nga sulmi në Banjë, Manastiri mbyllet nga 23 deri më 26 shtator
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Dorëhiqet anëtarja e Gjykatës Kushtetuese, Elsa Toska
-
Nga mbretëreshë në perandoreshë: Brenda pushtetit të plotfuqishëm të Ursula von der Leyen
-
Kurti kërkon zbatimin e Marrëveshjes Bazë pa vonesa: Në thelb të saj është së paku njohja reciproke