Presidenti i Serbisë, Aleksandar Vuçiç, këtë premte ka takuar, shefin e diplomacisë së Bashkimit Evropian, Josep Borrell, në hapje të Konferencës së Sigurisë në Mynih të Gjermanisë, duke paralajmëruar kështu edhe një takim të ri për ditën e nesërme.
“Një takim i shkurtër me Josep Borrell. Nesër na pret një takim i ri për të vazhduar përpjekjet për ruajtjen e paqes dhe stabilitetit të të gjithë Ballkanit Perëndimor”, ka shkruar Vuçiç në rrjetin social Instagram.
Vuçiç ka bërë të ditur gjithashtu se ka pasur një takim shumë të “rëndësishëm dhe të dobishëm” me ministrin e Punëve të Jashtme të Britanisë së Madhe, James Cleverley.
Ai u takua edhe me kryeministrin e Greqisë, Kyriakos Mitsotakis, shtet i cili nuk e njeh Kosovën, duke thënë se ka pasur një bisedë shumë të mirë, të sinqertë dhe miqësore.
Ndryshe të hënën e 27 shkurtit kryeministri i Kosovës, Albin Kurti dhe presidenti i Serbisë, Aleksandër Vuçiç, janë ftuar për një takim të radhës të nivelit të lartë në kuadër të dialogut nga shefi i diplomacisë së BE-së, Josep Borrell.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Pikë Uji” – Një pasqyrë pa dashur të mbajë anë, thotë skenaristja Ajola Daja për Albanian Post
-
Shqipëria jep 5 milionë euro për investime në bujqësi në 2024
-
Kush ishte Ibrahim Aqil – komandant i njësive elitare të Hezbollahut – i vrarë nga një sulm izraelit
-
Kurti do të marr pjesë në Forumin e Sigurisë në Varshavë